呢間位於中上環PMQ附近的特色fusion西餐廳，食物配搭有創意又高質素，走水泥工業風，環境簡約乾淨，好適合同朋友來食飯聊天。餐廳主打漢堡，每款口味都好滋味，而且超足料，餡料又厚又juicy。黑毛豬腩泡菜漢堡的配搭新奇，味道口感都好出色，豬腩肉煮得軟腍，肥瘦適中，泡菜酸酸辣辣加爽口的食感，令整體味道更豐富。牛油果蟹籽軟殼蟹忌廉意粉則有大大隻原隻軟殼蟹，脆口又夠香，牛油果配忌廉的口感不算膩，反而十分creamy。餐廳更是寵物友善食店，大家可以帶上毛孩一同到訪！
▲慢煮西班牙黑毛豬腩泡菜漢堡($108)：黑毛豬腩泡菜漢堡的配搭新奇，味道口感都好出色，豬腩肉煮得軟腍，肥瘦適中，泡菜酸酸辣辣加爽口的食感，令整體味道更豐富。
▲經典雙層安格斯漢堡($98)：經典口味的漢堡不會出錯，有酸瓜、蕃茄等材料，重點是牛肉夠厚又夠足料，半溶芝士超邪惡。
▲牛油果蟹籽軟殼蟹忌廉意粉($138)：有大大隻原隻軟殼蟹，脆口又夠香，牛油果配忌廉的口感不算膩，反而十分creamy。
▲Mango passionfruit soda($42)：熱情果味比芒果味突出，甜度適中，更有𠝹好的芒果在面層，賣相一流。
B cube
地址：上環鴨巴甸街29號地舖
營業時間：11:00-22:00（逢星期一休息）
訂座電話：66898660
文字來源：香港人遊香港/圖片來源：@foodxgoodwest_hk