?即包即煎！
朋友知道小編係餃子控，於是就介紹小編去屏山鄧氏宗祠一檔小食檔，聽聞D村民真係由細食到大。老闆娘羅太由包餃子、煎餃都一手包辦，一到紅日佢就會好忙。佢選用新鮮全瘦肉同韭菜為餡料，真正皮薄餡靚，而且韭菜多豬肉少，食落亦唔覺油膩。
▲$40 12隻，羅太覺得即包即煎先保持到口感，所以等待時間往往較長，如果時間許可，小編建議你平日前往
▲兩打裝特別版係會成餅上，餃子底部煎得金黄香脆，餃皮帶煙韌口感！
▲炒麵同瘦肉豬骨粥亦係每日羅太出品，粥同炒麵都堅持唔放味精，好有家的感覺
▲仲有糖水系列添
▲英文翻譯都有，就算外國遊客黎到指住張相都叫到正野食
屏山鄧氏宗祠小食檔 (元朗)
地址：元朗屏山坑頭村屏山鄧氏宗祠外
文字來源：香港人.遊香港／圖片來源：mrfrog 2fields imcarol