雲朵主題cafe位於中環，入面有好多Fluffy House雲先生同朋友公仔，可以睇到花咗好多心思佈置得好靚！Cafe主要供應各款西餐，另外亦有自家烘焙咖啡同自家出品甜點！日式咖喱雞柳蛋包飯賣相非常吸精，熱辣辣金黃色嘅蛋鋪喺珍珠米上，望到已經流口水。日式甜咖哩食落甜甜哋，唔會太辣！呢度嘅咖啡亦有雲朵拉花，配合返成間餐廳嘅主題，又治癒又可愛！
▲ 日式咖喱雞柳蛋包飯 ($118)：賣相好吸引！雞蛋食落頗嫩滑，用咗日式甜咖哩，味道甜甜哋，雞亦有好多塊！
▲ 鴨胸羅勒鹹蛋黃扁意粉 ($118)： 意粉同鴨胸嘅份量都好多，調味同肉質唔錯！
▲ 甘筍紅酒牛肋條配珍珠飯 ($118)：牛肋條夠軟，汁好香，珍珠米粒粒分明，同個汁好夾！
▲ Latte (+$8)：上面有好可愛嘅雲朵拉花，整體奶味較重！
▲ 伯爵茶戚風蛋糕 (+$30)： 蛋糕配上適量香滑忌廉，蛋糕質感鬆軟濕潤度剛好，上面有少少玫瑰花瓣作裝飾！
Sogno Cafe+
地址：中環威靈頓街97號威利大廈2樓D室
電話：2757 9878
文字來源：香港人遊香港 / 圖片來源 ：＠pigfoodiexhk