呢間位於太子嘅Cafe唔止賣一般嘅意粉，仲有特色fusion菜。好似呢個慢煮黑椒牛肋條加香煎懷舊腸粉，用慢煮方法煮牛肋條加上港式腸粉，味道與創意兼備！仲有「水清沙幼使乜坐飛機」，呢個咁特別嘅名其實就係水果yogurt，冰凍嘅水果加上椰絲令口感更豐富，而且色彩斑斕，用嚟打卡一流！餐廳以青花瓷做主題，帶點古典優雅嘅氣氛，想試特色菜就一定要嚟試下！
▲慢煮黑椒牛肋條，香煎懷舊腸粉：牛肋條煮到入口即溶，加上香煎過嘅腸粉，兩樣食材合併，意想不到地適合！
▲水清沙幼使乜坐飛機：即是水果乳酪，除了冰凍水果外，還有果乾、椰絲及燕麥等配料，令乳酪的口感更多層次。
▲三文魚籽明太子貓耳朵。貓耳朵煮得剛剛好，不會過淋或過硬，貓耳朵十分掛汁，每一啖都食到濃濃的明太子，配上爆汁三文魚籽，滋味十足！
▲黑松露薯條。薯條即叫即炸，上枱時新鮮熱辣，配上黑松露蛋黃醬，又香又濃的松露醬能中和薯條油炸的膩感，薯條上方灑上芝士粉，令味道更濃郁。
文字來源：香港人遊香港/ 圖片來源：@aobana.hk