呢間位於西營盤Cafe用上薄荷綠色做外牆和店內的主色，給人一種休閒舒適感覺。小店主打咖啡、輕食和自家制Gelato。當中有款打卡必叫Unicorn Twins賣相好似獨角獸創意非常又吸引，既可滿足想飲咖啡同時又可以食雪糕的慾望。自家製Gelato雪糕口感綿密又順滑還提供幾款口味，而且不定時轉換。而自家烘焙的巴斯克芝士蛋糕味道香濃又軟滑，Panini就外脆內軟口感豐富。店內更有意大利咖啡豆賣，可將慢活休閒帶回家。
▲Unicorn Twins ($62) ：海鹽焦糖雪糕配朱古力飲品，朱古力味不會太甜而焦糖海鹽雪糕可提升朱古力味道。
▲Coffeelin Affogato($62)：濃縮咖啡配開心果味Gelato，雪糕充滿果仁香味和其甜度可中和咖啡的苦澀。
▲Salami & Ham Pesto Panini ($75) ：麵包皮外脆內軟內有乾蕃茄、新鮮蕃茄、火腿、莎樂美腸和芝士。莎樂美腸鹹香味突出和芝士經過烘熱後軟化加上其他材料口感豐富。
▲Homemade Burnt Cheesecake($45) ：原味巴斯克芝士蛋糕表面烘得焦香，芝士口感軟滑味道濃郁。
▲Lemon cake($18) ：檸檬蛋糕是自家製造，檸檬清新味突出又鬆軟配咖啡一流。
▲Cappuccino($42) ：泡沫綿密，味道適中。
▲有幾款自家製Gelato提供，味道會不時變更。
Coffeelin
地址：西環西營盤高街99號地下3號舖
電話：6099-3635
營業時間：星期一至五08:00-18:00
星期六、日09:00-19:00
文字 / 圖片：香港人遊香港