上環Cafe:【兩手FingFing去野餐!貓痴必食下午茶!可愛貓貓造型甜品!贈送紐約有機花茶包!】

秋風起,涼涼地,係時候去野餐啦,知道大家怕麻煩!小編今次就推介呢個上環高質Cafe俾大家!佢地最近推出咗「森林搖籃曲」主題下午茶package,喺屋企或者戶外享用都無問題!一系列嘅精緻鹹甜點啱曬各位愛貓人士影相打卡!甜品有貓腳掌榛子味馬卡龍、貓腳板朱古力、小貓 pat pat棉花糖等等,鹹點頗有特色,包括有番茄羅勒鬆餅番茄羊奶芝士酥。想有個美好野餐回憶?咁就不妨試試呢個package啦!

各款貓貓造型甜品,貓腳掌榛子味馬卡龍(左一)、小貓 Pat Pat 造型綿花糖 (左三)、貓咪造型曲奇(右一),甜品非常可愛,鍾意影相打卡就啱曬~

▲頭先介紹左第一重驚喜甜品俾大家,依家仲有第二重驚喜,包括貓腳板朱古力、貓咪餅乾和小貓頭造型餅乾!

鹹點方面,番茄羅勒鬆餅(右二)、迷你三文治和番茄羊奶芝士酥,幾款鹹點單獨食用或者或搽埋玫瑰果醬咁就perfect啦。

▲仲想知有咩食?不如參考埋呢個menu啦,而且仲有藤籃租借服務,用黎係草地打卡一流。

▲可選擇堂食(另設加一服務費)或者外賣(每位$298,兩位起,並附送紐約有機花茶2包,外賣速遞到付運費港島區HK$50-$100、九龍區HK$90-$150、 新界HK$120-$200)。

DK Cuppa Tea

地址:香港上環新街市街19號地下
電話:2386 3588
預訂網站:www.aroma.com.hk

文字來源:香港人遊香港