擁有半世紀歷史嘅老牌茶餐廳位於上環，一行入去咖啡室，懷舊嘅氣息撲面而來，好似進入咗六、七十年代嘅香港，充滿歲月痕跡。咖啡室嘅叉燒薑蔥香油撈麵係必叫之選！蜜汁叉燒外層少焦少脆， 肥瘦均勻，食落肉質唔會韌同柴，出前一丁煮得啱啱好，麵條幾彈牙，盡顯半世紀嘅功架！要留意嘅係叉燒薑蔥香油撈麵 12點後先有得食，而且好快賣哂，所以想試就要早啲到！喺懷舊嘅環境進餐別有一番味道！
▲叉燒薑蔥香油撈麵($48)：咖啡室嘅招牌之一，一上枱葱香撲鼻，叉燒焦香味亦好濃郁，賣相好靚，顏色鮮艷！
▲ 叉燒大大塊，肥瘦適中，令人流口水！麵條亦幾彈牙！
▲ 鮮牛肉湯米粉($43)： 米粉份量適中，湯底係奶白色嘅豬骨湯，配熟生菜和鮮嫩牛肉，好夾！
▲ 脆豬(跟餐+$9)：非常香脆，同煉奶香甜配合得宜！
▲ 茶走：茶記必叫！
海安咖啡室
地址：上環干諾道西17號地舖
電話：2540 6340
文字來源：香港人遊香港 / 圖片來源 ：＠gimmerice_hkfoodie