呢間喺旺角嘅海鮮火鍋專門店提供多款特色鍋底，主打招牌卜卜蜆鍋同龍蝦海鮮鍋，足料之餘，全部湯底都好濃郁！特別係龍蝦海鮮鍋，主角龍蝦大大隻，另外仲有好多隻大海蝦，海鮮下面係大量娃娃菜、冬菇同雞髀菇等！湯頭亦好鮮甜，滲透哂落龍蝦度，食落啖啖肉好滿足！ 另外佢嘅至尊牛拼盤都好吸引，用三層架上枱，打卡都好正！牛肉非常鮮嫩，牛花分佈平均，油脂飽滿，有安格斯、牛肩胛、牛頸脊、吊龍同埋牛柳粒，真係忍唔住流哂口水！
▲ 招牌龍蝦海鮮鍋 ($298)： 龍蝦大大隻，又啖啖肉！ 仲有好多海蝦同蜆，食落好彈牙鮮嫩，而且好鮮甜，成個海鮮鍋非常足料！
▲ 海鮮底下仲有大量 娃娃菜、冬菇同雞髀菇等 ，湯底極濃郁！
▲ 至尊牛拼盤($448)：肥牛用三層架上枱，賣相好靚，非常震撼！而且好新鮮，牛肉非常鮮嫩，牛花分佈平均，油脂飽滿！
▲ 拼盤包括安格斯、牛肩胛、牛頸、吊龍同牛柳粒，肉質好嫩！
▲ 手打四寶丸 ($78) ：四寶丸包括牛丸、豬肉丸、鮮蝦丸、墨魚丸！
▲ 黑松露鮮蝦餃 ($88)／手打蟹子蝦滑($78)／ 凍豆腐 ($28) ：打邊爐必叫， 蝦滑同鮮蝦餃食落彈牙又有口感！
▲ 菠蘿鮮果沙冰 ($42)／柚子鮮果沙冰 ($42) ：好清甜同清涼！
為食仔 Hungry Boy
地址： 旺角白布街4號地舖
電話： 5334 8198
文字來源：香港人遊香港 / 圖片來源 ：＠starstareat