最近多咗時間留喺屋企，甜品蛋糕都食多咗好多！小編最近喺唔同嘅IG網店訂蛋糕，滿足自己嘅甜品胃，先發現原來IG有好多網店嘅蛋糕都好值得一試！如果你鍾意食超軟嘅香燒芝士蛋糕，咁今次嘅推介就好啱你啦！@hemma.hk 係一間主打半熟蛋糕嘅網店，有多款味道選擇，包括原味雲尼拿、綠茶、焙茶、伯爵茶同朱古力！雞蛋採用日本蛋，完全可以放心食用，但係留意返唔適合孕婦同幼孩食用！佢嘅蛋糕食落軟滑，帶軟心效果，茶味非常突出！小編比較鍾情於茶味系列，尤其係焙茶， 焙茶味濃郁，配合焦烤芝士蛋糕，真係一試上癮！
▲ 招牌原味雲尼拿： 採用新鮮雲尼拿籽，粒粒分明。小編第一次食就覺得好驚艷，芝士味濃，又極軟滑，但係一啲都唔heavy，真係一啖接一啖停唔到！
▲ 焙茶味：係小編最愛嘅焙茶味！除咗口感超級順滑又creamy之外，焙茶香亦好突出，口腔充滿焙茶同芝士鹹香，配合咖啡食用真係一流！
▲ 綠茶味： 同樣入口軟如棉，焦香味提升咗芝士同抹茶味道！抹茶控一定食唔停！
▲ 伯爵茶味：一樣好濃伯爵茶味同茶香，製作工序亦較繁複！
▲ 最近佢推出咗愛文芒 x 雲尼拿芝士蛋糕！每個蛋糕均用上一整個愛文芒果肉，蛋糕體裡面都係用新鮮雲尼拿籽，一啲香精都唔會用，真係好吸引！但係要留意返由於愛文芒季8月頭就完， 所以而家接單只能接到 8月2日！想食就要早啲訂！
▲ 要留意返網店都係售賣完整一個嘅蛋糕，如果想食切件，可以喺禮拜六日去 @artistaperfettohk 咖啡店食用，同咖啡一齊享用真係好幸福！但係通常下晝3點幾就會賣哂，早去早享受！
圖片來源：@hemma.hk