銅鑼灣時代廣場附近，唔係連鎖店就係都幾貴既食店，有時想輕食往往同食個lunch價錢差唔多，不過最近新開左間創作飯糰小店，主打飯糰同日式定食外賣，飯糰仲要係即叫即包！必食有明太子三文魚飯糰，少少辣又有d刺激！平日大家嫌棄既腐皮壽司，其實都可以好好食！日本腐皮含有豐富蛋白質，吸左汁將壽司飯口味完全提升！所以佢地有為食腐皮壽司系列，當中唔可以錯過牛油果三文魚腐皮壽司，食落層次分明、口感清新，係一餐好light 既午餐！

▲蕃茄粟米鵪春蛋（$16） 形象非常別緻，飯粒有清新既蕃茄味；蔥吞拿拖羅蓉（$19）唔落豉油都唔覺得腥；泡菜三文魚（$16）泡菜可以消除三文魚油膩感！

▲番茄玉米碎蛋（$16）好似食緊蕃茄炒蛋咁，又清新又有營養；三文魚牛油果（$18）細細舊已經有好多三文魚粒，三文魚同牛油果都幾夾！食落好fresh！明太子三文魚（$18）明太子味濃同甜甜口感既腐皮壽司好夾。

▲方格魚生丼有6款角切魚生，包括三文魚粒、吞拿魚粒、左口魚、青瓜粒等

▲燒汁香蔥雞飯，雞扒肉質鮮嫩，除左飯同壽司之外都有飯團

▲溫泉蛋西京燒鯖魚丼($46) 鯖魚肉質軟嫩加上淡淡白味噌口味，保留到可口肉汁，甘甜味既溫泉蛋撈飯食味道甚佳！

▲腐皮已經排放好係雪櫃入面。

為食龍 Hungry Dino

時間：中午12時至晚上8時
地點：銅鑼灣耀華街3號百樂中心地下G01號鋪
電話：3580 2874

文字來源：香港人遊香港／圖片來源：@hkfoodbuddy、@soso_natalie、@saisi00、@yaya_hkfoodie、@vvv_foodie、@cumallhk