有時真係好掛住曼谷間水門雞飯呀，家陣香港終於都可以有得食正宗水門雞飯啦，仲要有成兩間分店添。新開果間分店係尖沙咀，舊果間係大埔，新界同九龍既人都可以去試啦，唔知遲啲港島區會唔會都開番一間呢? 講番呢間鋪先，呢間鋪既門口裝修到充滿泰國風情，檯檯凳凳都是同泰國一樣用鐵嘅，而且鋪頭名都係是泰文，就咁睇鋪頭裝修會以為自己家陣係身在泰國。呢間除左招牌海南雞飯之外，仲有好多泰式小食、甜品、飲品同粉麵飯。如果真係好想掛住曼谷水門雞飯，要黎呢間試下啦！
▲水門雞飯($50): 雞食落去都滑唔會話好硬身，仲可以加＄10轉雞肶，飯係油飯。會送埋碗清湯，碗湯好重胡椒味，飲落去會有少少辣。
▲泰式無骨豬手飯($50): 豬手去晒骨，食落去啖啖肉，煮到入晒味。
▲泰式咖啡($20)＆青檸梳打($18): 青檸梳打酸酸地又唔會話好甜。
▲海鮮冬陰功湯金邊粉($58): 冬陰功酸酸地好開胃，又唔會好辣。
▲脆炸蝦波($32): 炸到好脆，食落又唔會好油。
▲鋪面既裝修設計同曼谷水門雞店鋪好相似。
水門雞飯
地址: 尖沙咀金馬倫道18號萬勤商業大廈地舖
營業時間: 星期一至日12:00-22:30
電話: 2369 8128
文字來源：香港人.遊香港／圖片來源：＠arekusu03、＠waiwai_24、@kpstephanie