香港美食｜270度維港海景餐廳WATERMARK 紀念慶祝一流 呢間隱身於中環天星碼頭上層的西餐廳，經過裝修後重新開放，擁有270度落地大玻璃可將無敵維港景，海天一色盡收眼簾。餐廳主打歐陸美食，由海鮮如龍蝦、生蠔、大蝦、帶子到不同肉類都可以選擇。當中必試龍蝦湯及澳洲M7和牛板腱，用上澳洲頂級M7和牛板腱，牛肉味突出，口感細嫩又不失嚼勁。龍蝦湯就口感細滑又濃郁。前菜推介油脂豐富的淺漬油甘魚味道帶點酸做開胃前菜一流。另外設有多款特色雞尾酒，配合以碧海藍天做主題的餐廳歎住美食偶然仲可以感受到碼頭被海水沖擊，非常浪漫。 ▲龍蝦湯 ($118)，龍蝦湯味道濃郁口感細滑更充滿龍蝦香氣而龍蝦肉質爽脆鮮甜。 ▲淺漬油甘魚 ($168)，油甘魚入口富有油脂香配檸檬醋汁夠開胃。 ▲M7和牛板腱扒 ($378)，用上澳洲頂級M7和牛板腱，牛肉味突出，口感細嫩又不失嚼勁。配上以舞茸、比利時菊苣、醃洋蔥及法式千層薯仔。 ▲西班牙伊比利亞黑毛豬 ($248)，外層烤至帶點香脆，入口充滿黑毛豬油香而且肉味濃郁。 ▲芝士蛋糕 ($78)，芝士味香濃，口感幼滑。 ▲白酒燴梨 ($78)，啤梨入口有微微酒香配鬆軟拖肥布甸及雲呢拿雪糕，味道非常夾還帶點肉桂香。 ▲Watermark ($128)，番石榴汁、紅莓汁酸酸甜甜易入口。 ▲Gimblet ($118)，西柚混Gin酒加上肉桂蜂蜜，夠清新。 ▲Harbour...