[駐場博客小牛牛快樂行山郊遊相集by Chan Keung]今個暑假成日都落雨，又有雷暴，攪到幾次行山行程都要臨時取消。難得今日好天氣，天文台話會高達34度，都唔理咁多，一於出走龍鼓灘，花香爐頂一趟! 難得放假好天氣，明知烈日當空，都唔理咁多，照出發上花香爐頂，首先去屯門港鐵站落車，樓下就係港鉄巴士站，乘坐K52巴士，坐到總站落車，沿龍鼓灘路住北方向走，不到十分鐘左右就發現一個地盤，靠右邊會見倒一條山徑，沿山徑直上， 經過幾個墳墓，山徑比較風化，皆為碎石散沙路，唔小心好易跣倒，所以必須要小心慢行，途中仲會見好多巨型怪石。 好唔容易上到花香爐頂，山頂一大片黄沙，遠望東面是青山腹地，當中有幾個大峽谷，極具特色，而望向西面是南中國海，景觀開掦。打完卡後，見天色唔早，原路趕回龍鼓灘， 巴士站對面就係龍鼓灘沙灘，呢度啲沙全部都係黑色，好幼細，好有特色，沙灘好闊落， 見到好多人都響呢度玩水， 放狗仔，釣魚，更有一大班龍友準備同我一樣等日落 拍照， 適逢今日天色明亮，能見度高， 太陽正好落到海邊，一大片橙海，天空呈現大片雲彩， 構成一幅美麗嘅圖畫，美景醉人， 小編都逗留在呢度狅拍照，好耐都唔捨得走呢! ▲由龍鼓灘巴士站起步,經過山徑直上花香爐頂 ▲山徑大部份都是散沙碎石,相當跣,前住必須小心 ▲建議先下載行山地圖apps配合GPS, 避免迷失路途 ▲由於這裡風化嚴重,花香爐頂周圍都是黄沙ㄧ片 ▲山頂西面正是南中國海 ▲東面是青山腹地,當中有幾個峽谷,甚有特色 ▲適逢光線配合海灘會呈現鏡面效果 ▲沙灘的幼沙全部都是黑色 ▲由於龍鼓灘位予新界最西面邊端,所以觀賞日落最適合 ▲醉人美景令人依依不捨 注意事項 :⚠上花香爐頂大部份山徑都係散沙碎石路，不太好行，前住要有心理準備⚠大部份路徑都無樹蔭，要做足防曬⚠建議先下載行山apps，配合GPS避免迷路⚠愛護郊野清潔人人有責，自己垃圾自己帶走 龍鼓灘 路線: 龍鼓灘>花香爐頂>龍鼓灘沙灘全程約7公里 文字／圖片來源 ：小牛牛快樂行山郊遊相集by Chan Keung...
[駐場博客 @小牛牛快樂行山郊遊相集by Chan Keung］天氣實在太熱了，打算揾條舒服簡單路線行吓，心諗最舒服路線莫過予麥理浩徑10段啦!因為全程石屎兼平坦路，輕鬆過行公園，但係….敵不過自己心野，卒之行咗上山頂，辛苦嘅旅程又開始了。 九徑山點去？ 話說當日睇到天氣報告 高溫直逼34度，諗住搵條簡單舒服路線行吓，小編一諗就諗到去麥理浩徑10段，因為呢度九成係石屎路平緩路線，十分簡單，仲簡單過行公園。屯門食完早餐之後就坐港鐵巴士K53出發，去到掃管笏變電站落車，再行一小段路，好快就上到去麥理浩徑10段中段入口 超靚鳥瞰港版 千島湖 打卡位 一直行，風和日麗又有樹蔭，清風送爽，行得好舒服，行咗冇耐就見到金沙坑，即管走入去睇睇，早幾日落完大雨，山澗十分大水，今次唔行石澗了，洗洗面之後再繼續沿麥徑行，但係見到金沙坑旁邊有條山徑好正，心癢癢決定改向高山路線走上去，順便可以高空俯瞰一吓大欖涌水塘全貌，呢個被喻為香港千島湖之稱嘅靓景，究竟有幾靚呢!山徑初段已經好多散沙碎石，行每一步都好跣，十分難行 ，地況就好似青山腹地，蚺蛇尖差不多，其實呢條屬於九逕山其中一條山徑，好多都係行山友自己開發，除外有絲帶引路之外，有部份路徑有D自行搭建嘅乘涼設施添。繼續不斷向上行，路徑十分貧瘠，乾旱，大部份都係沙地，就算有幾靚幾咬地嘅行山鞋都無用，小編好小心行都跣低咗幾次，所以上到山頂都相當花體力，到頂後回頭一望，觀景開掦，一望無際，頓時一洗心中疲累呢! 經過一個又一個山坡之後，竞然發現有水源，睇睇地圖原來係白石坑近源頭地帶，真係久旱逢甘露，衝過去小溪澗，立即用水擦擦面，精神圍之一振。繼續沿山徑上路，多條路線縱橫交錯，唔睇清楚地圖好易走錯路，走到另一小峽谷，有一小段急斜下坡小徑，有前人違下的大麻繩，借力落到底，到達九黃石澗，横過後又要爬返上斜坡接回山徑，上上落落之後又到達一個大平源，旁邊可以俯瞰整個大欖涌水塘，嘩~ 真係好靚喔，不愧為香港千島湖之稱，其實行過大㰖涌水塘十多次，不過每次都係水塘旁邊行，無今次俯瞰效果咁靚。打卡後開始沿山徑落山，經過黄泥墩水塘，向楊家村方向直落，經過幾個農莊，有興趣仲可以購買一些蔬菜回家添，穿過農莊到達大棠巴士總站，完成旅程。需時大約5小時。 ▲由掃管芴直上麥理浩徑10段起身好快就到達金沙坑 ▲改道金沙坑旁邊山徑直上 ▲山徑入口有絲帶引路初段不太難行 ▲山徑入口有絲帶引路初段不太難行 ▲山徑入口有絲帶引路初段不太難行 ▲ㄧ直沿山徑直上路況開始變差 ▲大部分路段都係散沙碎石 ▲遠眺東灣 ▲多個觀賞位置 ▲假蘋婆 ▲越近山頂路況差大部份都係散沙碎石 ▲碎沙路好跣每步必需小心慢行 ▲山徑貧瘠地勢有啲相似青山腹地和蚺蛇尖一帶 ▲黄沙浩瀚 ▲韭蓮 ▲山勢連錦起復 ▲經過九黄石澗源頭呢度十分斜都需要借助麻繩上落 ▲卒之到達今次最佳位置呢個位置可以俯瞰整個大欖涌水塘 ▲有千島湖之稱嘅大欖涌水塘 ▲打完卡後沿山徑落山 ▲落山接回麥理浩徑10段 ▲高温下慢步落山 ▲經過黄泥墩水塘返回大棠巴士總站完成旅程 九逕山 路線: 掃管芴>麥理浩徑10段>金沙坑>九逕山>大㰖涌水塘>黄泥墩水塘>楊家村>大棠 全程約7公里交通: 屯門站乘坐K53港鐡巴士(留意班次十分疏落) 掃管芴變電站落車 注意:⚠行麥理浩徑10段，可以唔上山徑，直接去到大㰖涌水塘邊走⚠天氣炎熱記得要帶多啲水，建議每人最小2公升⚠九逕山徑部分路線崎嶇難行，必需由經驗人仕帶領，出發前先下載行山apps地圖⚠愛護郊野清潔人人有責，自己垃圾自己帶走 文字／圖片來源 ：小牛牛快樂行山郊遊相集by Chan Keung...
[駐場博客小牛牛快樂行山郊遊相集by Chan Keung]今個暑假好快又過咗，但係雨季仍然未過，近排時晴時雨，令到好多山友都唔知登唔登高好。話説早排有一天日間 傾盆大雨，點知到咗下晝又突然之間 天氣轉晴，小編二話不說即刻衝上去青欣山拍低日落美景，順便介紹一吓呢條簡单路線。 當日下午5點幾，天氣突然轉晴，立即起行上青欣山，涌美路起步，一路行斜坡上，轉咗幾個街口，好快就到達青衣自然教育徑入口，成條山徑都係石屎路，唔洗著行山鞋都無問題，沿石徑一直走，行咗大約10分鐘左右，轉右手面上石級，開始登上山徑，又行多10分鐘左右，回頭一望，可以望到青衣各大小屋苑，景觀十分開掦，再上多幾段石級，有一座小亭，除咗可以坐低乘涼之外，呢度仲可以望到青衣油庫，遠方仲有馬灣， 汲水門大橋，好靚喔! 影咗2張相之後繼續上， 卒之到達1號觀景亭， 呢個位置可以飽覽整個吸水門大橋，有好多郵輪穿梭，仲有飛機上上落落，差不多每一分鐘都有飛機飛過， 響呢度睇飛機穿梭，就知道點解香港國際機場咁繁忙呢! 嘩! Magic hour到了， 夕陽餘暉，美景醉人，心裡頓時哼起~”夕陽醉了，落霞醉了…….” 影咗好多張相之後，天色 漸暗，又是回家的時候了，沿途折返，完成今次行程。 呢條路線好適合一家大細同行(記得做足防蚊措施)， 簡單易行，景觀優美。 ▲青衣西路左轉,到達青衣自然教育徑入口 ▲初段平緩山徑,沿途仲有好多芭蕉樹在兩旁 ▲教育徑大部份都蓋石板,簡單易行 ▲山徑中段有地圖顯示各觀景亭位置 ▲青欣山標高柱 ▲未上到山頂景色已經好靚 ▲向1號觀景亭方向出發 ▲最後 — 段斜坡石屎路 ▲到達1號觀景亭,景色開揚,遠望汲水門大橋 ▲好多喜愛拍攝龍友,都喜歡響呢度擺定腳架,拍攝夕陽美景 ▲夕陽加上美麗雲彩,構成 — 幅美麗圖畫 ▲小編都忍唔住自拍返 — 張剪影先😆 ▲小編粗略數過,差唔多每一分鐘都有飛機上落,證明香港國際機場真係非常繁忙 ▲天色漸暗又到了回家的時候 注意事項:~沿途沒有補給請帶備足夠食水~愛護郊野清潔人人有責自己垃圾自己帶走~ 此區域鄰近機場,切勿駕駛航拍機拍攝, 避免觸犯法例~ 呢期登革熱鬧得熱哄哄,記得做足防蚊措施 青欣山 路線: 涌美路>青康路>青衣西路>青衣自然教育徑>青欣山>1號觀景亭沿路折返共6公里,需時ㄧ小時左右 文字／圖片來源 ：小牛牛快樂行山郊遊相集by Chan Keung...
[駐場博客 @ 小牛牛快樂行山郊遊相集by Chan Keung］ 秋天到，又是拍攝芒草的最佳季節。小編收到很多朋友問及，除了大東山之外，還有哪個地方可以拍攝到盛放的芒草呢？小編今日推介飛鵝山，地點鄰近市區，交通方便，也可以駕車到達起步點。除咗觀賞芒草之外，亦都是欣賞日落好地方。觀賞九龍半島，一覽無遺，加上夕陽斜照芒草搖曳，構成一幅美麗的圖畫。 秋天到，又是拍攝芒草的最佳季節。小編收到很多朋友問及，除了大東山之外，還有哪個地方可以拍攝到盛放的芒草呢？小編今日推介飛鵝山，地點鄰近市區，交通方便，也可以駕車到達起步點。除咗觀賞芒草之外，亦都是欣賞日落好地方。觀賞九龍半島，一覽無遺，加上夕陽斜照芒草搖曳，構成一幅美麗的圖畫。 注意事項:⚠部分路段崎嶇建議穿著適合行山裝備⚠風高物燥切勿在山上吸煙或燃點火種⚠保持山林清潔自己垃圾自己帶走 ▲起步點沿沙田㘭道直上 ▲途經紫竹亭-紅色石級具特色 ▲路徑旁的護土牆 ▲緩步上大約ㄧ小時到獅子亭之後-進入衛奕信徑4段 ▲景色怡人 ▲沿途風景開揚-可飽覽東九龍全景 ▲到達飛鵝山觀景台附近有ㄧ個公眾停車埸-方便駕車人仕直達 ▲先進入東山起步再入飛鵝山 ▲藍天白雲配芒草構成ㄧ幅美麗的圖畫 ▲沿途小花 ▲沿途小花 ▲沿途小花 ▲沿途小花 ▲進入山野路段先到東山 ▲東山-象山-連接著飛鵝山-四周已經長滿很多芒草 ▲經過2個山頭之後正式登上飛鵝山 ▲三山連接氣勢磅礡 ▲除了芒草之外-路徑亦長滿好茂盛的大葉植物 ▲夕陽芒草 ▲夕陽芒草 飛鵝山 路線:沙田㘭道(法藏寺)>紫竹亭>獅子亭>衛奕信徑4段>飛鵝山觀景台>東山>象山>飛鵝山>飛鵝山道全程約8.5公里交通:黄大仙港鐵站步行到沙田㘭道(法藏寺)起步亦可駕車到飛鵝山觀景台，附近有個公眾停車埸，由此起步至飛鵝山，可原路折返，來回約7公里 文字／圖片來源 ：小牛牛快樂行山郊遊相集by Chan Keung...
[駐場博客 @ 小牛牛快樂行山郊遊相集by Chan Keung］連續上班兩星期了，工作十分艱巨，難得有假期，正打算尋找一條登山路線，來紓解一吓工作壓力， 可是天氣不似預期~又是下雨天! 唯有尋找一條平緩易行路線。 最後决定去大㰖涌水塘和大棠一帶走走，誰之。。。下雨天風景依然優美動人， 沉醉在優美環境下， 令人心情豁然開朗， 值得推介給大家。 沿大棠山道直上，到達燒烤場，依路牌指引，先到達大棠楓香林。由於是一月時份，大部份紅葉已經墜落在地上。 平時人山人海的景況而不再出現。 ▲ 由大棠山道直上先去楓香林 ▲到了ㄧ月份 紅葉都墜落地上 ▲過了12月紅葉盛放日子 大棠又回復ㄧ片恬靜 ▲紅葉最落後又是洋紫荊盛放的時候 ▲楓香林祗淨下小量紅葉 ▲遍地紅葉 ▲每逢假日都迫滿人的情況不再見了 ▲紅花荷，又名吊鐘王 一月正是它的花期 ▲耳果相思的葉子 ▲雨中漫步楓香林 ▲冬雨滋潤大地 ▲海芋，小心有毒 拍照後 沿大棠山道直走到吉慶橋，旁邊有路牌指引，開始進入麥理浩徑10段， 途中經過了一大片竹林， 在竹林旁邊有一缺口，可以走到水塘河邊， 泥路上相當濕滑， 必須要小心。 由於泥路上較濕潤，所以地上都長滿翠綠色的植物， 這裡環境恬靜，優美， 令人心曠神怡。 ▲離開楓香林轉去大棠山道 落大欖涌水塘 ▲大㰖涌水塘 吉慶橋 ▲經過吉慶橋轉入麥理浩徑10段 ▲穿過竹林到達河邊 ▲河邊泥路濕滑泥土鬆脫必需要小心 ▲河畔植物茁壯充滿自然美 ▲乾涸紅葉 ▲泥路上長滿植物 一片綠油油 十分美麗 ▲炮仗花 ▲到處都是洋紫荊花瓣鋪滿大地 繼續沿山徑向荔枝山莊方向直走， 穿過小森林，到達茘枝山荘内之茘枝圍馬術學校， 内裏有部分是退役馬匹， 用作訓練學員。 參觀完馬房之後再轉到去波斯菊園，內裏有成千上萬朵不同顏色的波斯菊，一片花海 十分壯觀和美麗。離開荔枝山莊完成行程 ▲經過小樹林 ▲大棠荔枝莊 波斯菊 ▲大棠荔枝圍騎術學校 注意事項⚠大㰖涌水塘設有越野單車路線，所以步行時要小心單車從身邊走過⚠ 切勿在水塘游泳，或走進水中嬉戲， 避免染污飲用水⚠ 保持郊野清潔人人有責，自己垃圾自己帶走⚠ 進入大棠茘枝山莊需繳付入場費⚠ 風高物燥切勿在野外吸煙或生火, 避免引起山火⚠ 保持郊區清潔人人有責 自己垃圾自己帶走 路線: 大棠山道>大棠燒烤場>楓香林>吉慶橋> 麥理浩徑10段> 大棠荔枝山莊>荔枝圍騎術學校>波斯菊園 全程約12公里交通: 港鐵巴士K66可到達大棠山道起步 文字／圖片來源 ：小牛牛快樂行山郊遊相集by Chan […]...