《2022年全球幸福報告》已經出爐,芬蘭連續第五度蟬聯冠軍,成為全球最幸福國家,而北歐國家更佔据首十位。北歐式的幸福生活可謂人人嚮往,最近屯門兆康推出的全新大型項目NOVO LAND,首度將北歐健康幸福生活模式帶到香港,從內到外享受生活的美好。
春天來了,簕杜鵑也在燦爛盛放!簕杜鵑花期很長,溫暖地區可長年開花,在春天更是開得非常澎湃!而屯門黃金海岸的簕杜鵑隧道,一片片桃紅花海,也相當適合打卡!從黃金海岸酒店正門進入,走落一層就到達花園位置,往前走至白色拱門「情牽廊」,就可以看到一大片盛開的筋杜鵑,環境寧靜而且足夠空曠,有種小歐洲的感覺!
大欖涌水塘位於大欖郊野公園內,周圍主要是植林區,水塘內有很多丘陵,看上去像有多個島嶼,所以有「港版千島湖」之稱!「千島湖清景台」的落成,方便了行山新手,大家可從屯門掃管笏出發,疹千島湖打卡後,最後以到黃金海岸看日落作為結束行程!
要欣賞藝術品,不一定只能去藝術館,大家也可以到屯門河畔公園,欣賞由藝術推廣辦事處舉辦的「非凡!屯門河」公共藝術計劃作品!其中,以編織藝術成名的本地工作室La Belle Époque,展出由陶土手捏製成的貓貓雕像,並定期為雕像更換七彩繽紛的新衣服,表達屯門區人貓共融的概念。
誠品書店屯門新分店正式開幕,以【跨界流動.光影閱讀】為主軸,新店佔地逾8,000呎,內設綜合書區,誠品風格文具館及誠品兒童館,書種涵蓋面向廣闊,總藏書量高達43,000冊。店內空間設計揉合美學與光影,綜合書區設有全長近35米的閱讀長廊,而書區末端超過20米闊的落地大玻璃採光非常好,營造出舒適的閱讀環境,成為新界西指標性的文創聚所!   ▲誠品屯門店及誠品風格文具館。 ▲誠品屯門Vcity兒童館天花上的Infinity Rainbow 鐵軌火車裝置。 ▲誠品風格文具館。 ▲綜合書區設有全長近35米的閱讀長廊。 ▲書區末端超過20米闊的落地大玻璃引入和煦陽光。 ▲誠品屯門Vcity店寬倘的閱讀區 文字來源:香港人遊香港...
今次為大家介紹行山新手路線-屯門徑七彩欄杆! 熱門打卡點~七彩欄杆,五颜六色的確有趣,决定出走一趟。首先坐港鐵住屯門站落車,C3出口,沿杯渡路一直走,好快就到達麥理浩徑10段入口,首先經過數間村屋,呢度幾户都有養咗幾隻狗,小編每次行過都受到佢哋熱烈”歡迎”,不過佢哋唔會咬人,唔洗驚呢! 呢段路大部份都係石級,小啲腳骨力都唔得,上到分岔口轉左,接上屯門徑1段,沿途有幾座涼亭可以休息抖吓, 好快就見倒呢度嘅地標~七彩欄杆,平時路邊啲欄杆大部份都係灰色,七彩真係第一次見,的確好靚,好有特色,全長大約200米,打完卡之後一直行經過虎地,再一路落山,好快就到達藍地灌溉水塘,風景好靚,從水壩頂望落去,流水一條條流落壩底,每條流水旁邊仲長出翠綠苔蘚,好似一條條絲帶,好靚啊,小編都忍唔住走到水壩較下方,揾個靓位打打卡先。打完卡後沿水塘旁邊山徑繼續行,呢段山徑平緩易行,一路行一路可以欣賞旁邊大小山澗,其中一個較大嘅水潭名叫~行者池,呢個水潭大約有20米長濶, 流水淙淙,仲有一個細小瀑布添,其實呢條山澗都有名堂,名為~虎地坑,上游為九逕山脈中一個水源,下游正是藍地灌溉水塘。由於之前早幾日都落過大雨,所以虎地坑各處都河水滔滔,流水非常湍急,離開澗道轉入屯門徑2段,經過一大段落山路之後返回屯門站,完成今次旅程。 郊遊後感: 郊遊,對我們兩夫妻來說,除了是有益身心的活動,更是讓心靈重新上電的治療。如果為了城市開發,今天犧牲一少片郊野、明天犧牲一少片郊野,最後這些可愛的大然自,就會變成一塊塊無情的石屎,多可惜!希望愛山野的人,都可以身體力行,保護郊野公園,免受不可逆轉的破壞! ▲屯門港鐵站C3出口經杯渡路進入麥理浩徑10段起步 ▲由於早幾日都落過大雨所以山徑兩旁植物都沾滿水珠 ▲走上數段石級之後卒之到達七彩欄杆 ▲七彩欄杆全長約200米顏色鮮豔繽紛耀眼 ▲山徑旁植物紫薇 ▲經過幾個涼亭之後沿山徑落山到達虎地 ▲藍地灌溉水塘 ▲水壩正排水中流水ㄧ條條緩緩而下 ▲藍地灌溉水塘水平如鏡-水面鋪滿一層薄薄的水澡 ▲流水中間水壩都長滿了苔蘚形成一行行美麗的構圖 ▲好多行山人仕經過九逕山都慕名而來參觀一下藍地灌溉水塘的美貌. ▲地上菌類植物名叫蕈菌 ▲行者池直徑約20米 ▲由於早幾天連場大雨虎地坑水流湍急波濤洶湧 ▲行者池旁邊的小瀑布 ▲在虎地坑旁邊發現側邊猿猴石 ▲大花老鴉嘴_台灣人叫大鄧伯花. ▲屯門徑2段途中 ▲朝向屯門站方向緩緩落山 藍地灌溉水塘 路線: 屯門港鐵站>麥理浩徑10段>屯門徑1段>七彩欄杆>藍地灌溉水塘>行者池>虎地坑>屯門徑2段>屯門港鐵站全程8.7公里 需時3.5小時路線詳情:https://bit.ly/2OvFeqg...
各位家長等到頸都長,全港首個共融遊樂場今日開始有得玩喇!康文署同建築署係屯門公園興建全港首個共融遊樂場,遊樂場迎合唔同身體狀況、能力既小朋友,無障礙地係遊樂場中暢快玩樂!遊樂場有7個遊玩主題區,包括攀爬、沙池、玩水、鞦韆同各種材質既滑梯。 ▲旋轉地帶既繩網氹氹轉,將繩網同氹氹轉兩樣好玩既野融合! ▲獵蛋樂園沙枱玩沙 ▲爬蟲樂園設有不同高度及難度的攀爬塔和繩網等 ▲光影荷花區域設有花型的高空灑水裝置 ▲屯門公園共融遊樂場設有各類型滑梯,適合不同身體狀況的兒童暢玩 ▲鞦韆區裝有兩組包括搖籃型鞦韆、座椅型鞦韆及親子型鞦韆的設施 屯門公園共融遊樂場 地址: 屯門屯門鄉事會路電話: 2451 1144...
小編除咗行山之外,最鍾意就係探索奇石,今次介紹呢條路線,可以一次行晒兩個地點,包括有巨型石室,同埋一隻巨型小豬。 由屯門港鐡站K52巴士到總站,由龍鼓灘出發,經過鐡皮廠小路上山,行咗十幾分鐘就到達滑浪板石,對面有一大石坡,都幾斜架! 順住慢慢跣住落,到達一個小竹林,穿過就見倒修女看書石室入口,先捐過一個好窄嘅山窿,入面有好多天窗,有啲光線射落離,唔洗用頭燈都睇得好清楚,仲有幾個出口位置,四通八達,有啲要琴上琴落,穿穿插插,有個出口更要爬樹藤落,的確好好玩,不過消耗唔小體力,打完卡再上花香爐頂,33度高温無樹蔭,山徑極度風化,散沙碎石滿佈,好似沙漠咁,行得好辛苦,當日小編行行吓,覺得個頭開始赤赤哋,應該係中暑先兆,立即走去巨石背後喝水休息,15分鐘後,精神充份恢復後才再起步, 一直向上走,卒之上到花香爐頂,散沙相當跣,為咗平衡每步都花一定體力。好不容易去到豬仔石,外型真係勁似一隻巨型豬仔,再細心揾揾.原來豬肚下就係十字星石室,要慢慢一層一層爬落去,落到底部就找倒十字星石,小編在網上見到有好多山友琴上去打卡,但發確其實都幾高幾跣吓,所以冇琴上去了! 打完卡再返回龍鼓灘,巧遇日落美景,嘩! 真係巧令令喔! 今次行程可以一次過滿足多個願望,真係不枉此行。 ▲修女看書石-必須由龍鼓灘中華白海豚瞭望臺望過去至可以睇到佢全貎 ▲由龍鼓灘起步經過鐵皮廠沿小路直上大約十幾分鐘就到達 ▲好快就到達滑浪板石 ▲滑浪板石對面有一塊大石坡慢慢跣落去再經過竹林就到達修女看書石室入口. ▲入口相當狹窄但裏面就好寬敞有多個出口四通八達仲有天窗唔需要頭燈都睇得好清楚 ▲石室內有部分石頭呈現淡紅色和淺綠色-透過天窗光線照射顏色與光線起了變化非常之美麗 ▲修女看書石室由幾塊超巨型嘅大石組合而成 ▲修女看書石室由幾塊超巨型嘅大石組合而成 ▲其中一個出口非常狹窄僅僅夠一個人通過 ▲呢度需要小心可以拉住樹藤緩緩而下 ▲出了洞口原來別有洞天仲有另一個石室可供探究 ▲走過石縫離開石室去另ㄧ景點 ▲跟隨絲帶引路,穿越樹林 ▲部分路段極度風化-上落相當跣腳必須要小心 ▲由於當日太陽十分猛烈沿途又沒有大樹遮蔭曝曬之下小編都感覺到有輕微中暑跡象 ▲布青蛙石 ▲貓尾草,中藥名為布狗尾 ▲青山一帶奇石甚多 ▲豬仔石真係栩栩如生-外型真的很像一隻小肥豬俯伏在地上. ▲十字星石打卡熱㸃 注意事項: ⚠部分路段極度風化,上落會比較跣,要小心慢行⚠ 建議先下載行山地圖,使用GPS識別方向⚠...