觀塘的呢間餐廳Angel & Devil是區內出名的玩味西餐廳及酒吧，推出全新季節限定下午茶！以酸酸甜甜的各類「莓」 為主題，包括以士多啤梨、藍莓、紅莓及黑莓入饌，賣相非常精緻！平時嘅下午茶份量都比較小，今次呢個下午茶三層架多達二十幾款鹹甜點，重點推介藍莓燕窩羅蘭士撻、士多啤梨藜麥沙律鮮蝦杯、士多啤梨慕絲，仲有下午茶限定口味的白朱古力慕絲雜莓蛋糕、招牌雲朵造型甜品，鹹點有三文魚慕絲酥皮盒及砵酒啤梨配巴馬火腿，仲可以配埋自選口味的雞尾酒畫上完美的句號！ ▲價錢HK$268兩位用 (未計加一服務費) ，呢個下午茶色彩搭配鮮艷，最啱三五知己一齊嚟傾計八卦！ ▲白朱古力慕絲雜莓蛋糕，絕對係呢度嘅招牌甜品，雲朵造型可愛吸睛。 ▲朱古力慕絲餅配燈籠果，朱古力的苦澀味完全中和曬燈籠果的甜味，鍾意食朱古力嘅你切勿錯過！ ▲士多啤梨慕絲配雜莓醬，新鮮的果醬配襯軟滑幼細的果香慕絲，令人欲罷不能。 ▲藍莓燕窩羅蘭士撻，香脆的撻皮內盛載著洋蔥煙肉餡，養顏的燕窩配上煙肉零舍惹味且矜貴。 ▲莓果雞尾酒或藍莓香蕉特飲，大家不妨同friend嚟Chill噃下啦！ 文字來源：香港人遊香港...