呢間尖東性價比高嘅Cafe除咗多咖啡種類，食物菜式多選擇，價錢都合理。除咗眾所週知嘅All Day Full Breakfast之外，有香港少有嘅貝果和手沖Dirty Milk。貝果嘅配料搭配多，有牛油果、啡菇、芝士、煙肉、蔬菜、三文魚、煎烚蛋選擇，份量十足，可以做早午茶或下午茶都正。有多款美食飲品，店外更有文青打卡位 ▲想食得大滿足有All Day Full Breakfast ▲貝果配煙肉芝士火腿太陽蛋田園蔬菜($63)，貝果口感超煙韌，一份足夠E飽肚 ▲牛油果水波蛋($83)，最頂嘅水煮蛋煮到恰處，蛋汁向下層流，成個餅充斥蛋香味，Juicy感十足 ▲店內拉花咖啡選擇都多，其中有抹茶拿鐵、玫瑰拿鐵和黑咖啡等等 ▲香港Cafe少有嘅Dirty ($38），呢杯牛奶唔駛用冰都飲到Cool，咖啡做底，飲到微微堅果味 ▲店外有霓虹燈英文語錄，意思指只要你有勇氣追求，夢想可以成真 ▲係反送中運動期間，呢間小店樂意請有需要嘅手足食飯，響應罷工休市 Courage Eighteen 地址：尖沙咀麼地道63號好時中心地下55號舖 電話：2682...
平日係樓上Cafe或者商場Cafe店食下午餐飲杯咖啡，有冇試過係法院飲咖啡嘅體驗？呢到粉嶺前裁判法院近年進行活化項目，入面係有間咖啡店，除咗飲咖啡食件自家製蛋糕，有豐富嘅下午茶餐或者Full Day 早餐，有唔少女士專程嚟嘆個下午茶飲咖啡，做下文青打卡Hea下，環境相當清靜。 ▲All Day Breakfast ($108)，焗大啡菇炒滑蛋、煙三文魚、焗豆、新奧爾良薯角、香腸同埋沙律 ▲松露牛油配牛油果多士($78)，仲有蕃茄乾碎片灑係多士表面 ▲玫魂拿鐵 ($49)，特別再於用100%法國天然玫魂水沖製，飲落特別出花香味 ▲百香果椰子慕斯蛋糕 ($38) ▲環境相當清靜，景觀透光度十足，望住花花草草嘆杯咖啡好寫意 ▲食完brunch可以參觀一下前法院嘅建築 添飲咖啡館 地址：粉嶺馬會道302號地舖 電話：6759 9141 營業時間：8:00 – 21:00 文字來源：香港人.遊香港／圖片來源：@sochingm、jessica_leungty、my_little_foodage、arena1117...
