5月/2018

「邂逅！」藝術計劃又返嚟啦！上年藝術推廣辦事處曾經籌劃過「邂逅！老房子」計劃，搵咗四位本地藝術家，帶領佢哋嘅藝術家團隊分別喺四間百年老房子進行藝術創作，用藝術引領公眾走入歷史建築，項目大受歡迎。今年藝術推廣辦事處再接再厲，由即日到八月中於荃灣川龍村及前貫文學校舉行「邂逅！山 川 人」計劃，大家行山之餘仲可以睇吓唔同類型嘅創作，計劃意念夠晒新穎，節目總共邀請咗13組唔同背景嘅藝術家包括黃國才、梁志和、李香蘭、黎慧儀等等，走進村內唔同空間，以山川特色、村民逸事、學校回憶以及古今影像等主題創作一系列嘅藝術作品，希望公眾透過藝術認識和感受香港繁忙背後的鄉村生活。 ▲黃國才《班房回憶錄》：黃國才把班房由室內帶到操場，製作一組鏽漬斑斑的鋼鐵桌椅，塑造童年的苦與樂。 ▲黎慧儀《苧麻公園》：黎慧儀從客家人熟識的苧麻、雞屎藤和艾草出發，在閒置的農地築起小園地，把村、地、人、情再次聯繫起來。 可能大家對荃灣川龍村嘅印象都係行山同飲茶？但係又有冇聽過貫文學校、西洋菜田同埋苧麻公園呢？今次活動選址川龍村，主要就係想將本地鄉村文化歷史用新嘅角度介紹俾大家，希望大眾會有更深入嘅了解。咁多組藝術家分別創作唔同嘅作品，喺村內唔同嘅空間展出，參觀者可以自由遊走，親身感受村鄉生活同埋客家文化，走進呢個被遺忘的空間。節目期間仲會舉辦多個活動，好似工作坊、導賞活動、分享會等等，周末仲未諗好節目嘅朋友不妨考慮吓嚟到川龍尋寶，一齊「邂逅！山 川 人」。 ▲鄧國騫《肚子》：鄧國騫以懷孕母親及嬰兒的肚子影像，象徵川龍位處的大帽山，希望啟發參觀者追本溯源。 ▲李淑雅《黑泥白石反光水》：川龍滿載李淑雅跟爸爸行山的回憶，她沿行山徑放置狗雕塑，陪伴進出川龍的登山人士。 「邂逅！山 川 人」公共藝術計劃 日期：即日至2018年8月12日地點：荃灣川龍村及前川龍貫文公立學校開放時間：星期一、二、四及五(上午10時至下午1時、下午2時至6時)星期六、日及公眾假期(上午10時至下午6時)逢星期三休息入場：免費官方網頁：http://www.lcsd.gov.hk/CE/Museum/APO/zh_TW/web/apo/hi_hill.htmlFacebook：https://www.facebook.com/apo.hihill 文字來源：香港人.遊香港／圖片來源：LCSD...