Home
香港人嘆世界
Latest

香港人嘆世界

日本

【日本 | 名古屋。Lego迷福音😍全新Lego酒店+水族館登場】

Lego迷福音😍臨近名古屋LEGOLAND嘅全新Cute爆Lego主題酒店「LEGOLAND Japan Hotel」將於4月28日正式開幕喇！除此之外，全新合家歡水族館「SEA LIFE Nagoya」亦將於4月15日開業，到時就開始一次過玩曬咁多野啦！ ▲Lego酒店設計將全面沿用Lego做裝飾，色彩繽紛，內內外外都充滿Lego嘅玩樂氣息！ ▲酒店將會有8層樓，提供252間主題房，每層都會分成唔同嘅主題，包括海盜、歷險、中世紀王國、忍者等 ▲同飯店相鄰嘅「SEA LIFE Nagoya」係針對5至12歲兒童所開設嘅水族館，提供小朋友各種可以「觀察、觸摸、學習」嘅專區。 ▲好似可以觸摸海星同海葵嘅水池區、仲有可以獲得Lego作為獎勵嘅海中生物學習教室等等。 LEGOLAND Japan Hotel 地址：愛知県名古屋市港区金城ふ頭2-7-1 文字來源：香港人.歎世界/圖片來源：互聯網...
日本

【日本 | 東京。鐵道迷朝聖之地🚃葛西地下鐵博物館】

身為鐵道迷，如果想去日本朝聖的話，呢個博物館就岩曬你喇！位於東京都江戶川區嘅地下鐵博物館，由東京Metro經營，收藏咗大量地下鐵實物同模型，包括日本第一條地下鐵，館內仲設有體驗室等你一嘗做車長嘅滋味添！ ▲搭乘東京Metro東西線去到葛西駅落車就可以見到指示，跟住行就可以見到喺軌道下方嘅博物館 ▲葛西地下鐵博物館，係東京Metro旗下嘅文化事業，由1986年開館至今已經有32年。而日本最早嘅地下鐵路原來係東京嘅銀座線，開通至今已91年時間。 ▲呢個按比例縮細嘅電車模型，其實就係展示緊目前東京Metro所營運中嘅九條路線。 ▲電車體驗區有專人指導，利用真實器材同模擬嘅操作畫面，俾你感受一下做車長嘅滋味！ 地下鐵博物館 地址：江戶川區東葛西6-3-1 文字來源：香港人.歎世界/圖片來源：互聯網...
日本

【日本 | 東京。春日部防衛隊出動。尋找小新的故事！】

陪伴唔少人成長嘅蠟筆小新以埼玉縣春日部市為舞台，亦係作者臼井儀人度過青春期嘅地方，一踏出春日部市，已經可以見到到處都係小新嘅身影，而呢間Studio仲展出咗不同小新嘅資訊添，係粉絲的話就唔好錯過喇！ ▲由「春日部駅」西口出發，大約5分鐘左右就會見到一個叫「LaLa Garden」嘅商場，小新Studio就位於3樓！ ▲一入去中間部分就係小新嘅展區同影相位，另外仲有賣精品同埋玩小遊戲嘅地方，現場總有一部小新主題嘅貼紙相機㗎！ ▲連夾公仔機都係以角色為主，有好多小白等緊你帶佢返屋企！ ▲小遊戲總共有兩款，都係非常簡單，係連小朋友都可以玩嘅遊戲，成功嘅話可以得到小禮物，輸的話店員都會送番盒糖俾你當安慰獎。 事實上呢度其實係一個game centre，只係劃開了一個小區域來做小新嘅主題！不過個人認為如果時間許可的話而你又喜歡購物的話，你都可以黎參觀下，因為附近仲有一個超大型嘅購物商場，可以連埋當半日至一日遊嘅景點👍 蠟筆小新Cinema Studio 地址：埼玉県春日部市南 1-1-1 ララガーデン春日部 3階 文字來源：香港人.歎世界/圖片來源：互聯網...
日本

【日本 | 東京。睇得唔食得😋自家製食品模型】

去日本食飯，其中一樣最鍾意做嘅事就係欣賞佢地門口嘅食品模型，唔只精美仲栩栩如生添，真係令人食慾大增呀😋嚟到呢間手作店，你仲可以帶自己專屬食品模型返去添，不過記住佢係睇得唔食得㗎！ ▲日本餐廳其中一個特色就係門口總係放滿各種超像真嘅食物模型 ▲由1932年開店而今嘅「元祖食品サンプル屋　合羽橋ショールーム」，係一間食品模型專門店。 ▲店內總共分兩層，第一層放置咗好多現成嘅食物模型以供販賣，好似漢堡扒，天婦羅，甜品，生果，應有盡有 ▲而第二層就係模具工作坊嘅場地，客人可以喺七種指定嘅款式入面揀兩款黎學習，不過想上堂就必須要預約。如果時間唔許可嘅話，佢都有現成嘅套裝俾你地返屋企自製模型，鍾意手作嘅朋友就唔好錯過喇！ 元祖食品サンプル屋　合羽橋ショールーム 地址：東京都台東区西浅草3-7-6 文字來源：香港人.歎世界/圖片來源：互聯網...
日本

【日本 | 北海道。被山林懷抱的心❤️浪漫秘境豐似湖】

如果企喺豐似湖嘅湖邊，你可能會覺得佢平平無奇，不過如果你用俯瞰嘅角度，就可以見到一個心型❤，所以佢亦被稱為「秘境之湖」，係一個非常浪漫嘅自然景點。 ▲豐似湖位於北海道日高山脈襟裳國定公園內，海拔260公尺，周長直徑約1公里，因為外型似心心，所以又稱為馬蹄湖或者心湖 ▲豐似湖之所以出名，係因為喺「白色戀人」巧克力廣告畫面曾經出現過呢個心型湖，不過想睇到完整嘅心型，就一定要坐直升機 ▲由2015年開始，每逢秋天楓葉正紅嘅時候就會推出豐似湖直升機遊湖計劃（期間限定約3星期） ▲直升飛機為四人座，飛行全程約8分鐘。專業機師會以適當嘅速度環湖一周，等乘客可以360度無死角欣賞絕美湖景。個人認為非常適合作為求婚嘅場景呢！ 豐似湖 地址：北海道幌泉郡えりも町目黒（從舊目黒小學校起飛） 文字來源：香港人.歎世界/圖片來源：互聯網...