【日本 | 山梨。一年一度粉紅季節!2018富士芝櫻祭】

一年一度嘅富士芝櫻祭又嚟喇!活動日期為4月14日至5月27日,除咗可以欣賞到一片粉紅色嘅芝櫻之外,現場仲有美食嘉年華,提供各款富士山周邊美食,記住Bookmark地址唔好錯過喇。

▲位在山梨縣富士山周邊嘅富士芝櫻祭已經邁入第11年喇,可以同時欣賞到櫻花同埋富士山嘅景色,吸引大量遊客到訪!

▲芝櫻係直徑約1.5公分嘅小花,於4月至5月盛開著紅、桃紅、白、紫等花色,原產地為北美洲,亦稱為Hanatsumekusa(花詰草、花爪草)。

▲會場空間寬廣,當中嘅芝櫻種類甚至高達6種,將會場打造出繽紛漸層嘅浪漫色調。

▲現場仲有一個美食嘉年華,匯集不少富士山周邊嘅小食店家,另外仲有好多特色嘅手信販賣,可謂有得食有得玩有得買!一年一次大家千其唔好錯過喇!

富士本栖湖渡假村

地址:山梨縣南都留郡富士河口湖町本栖212
開放期間:2018年4月14日(星期六)~5月27日(星期日)
營業時間:8:00~17:00
※視開花狀況等,可能更改開放期間及營業時間。

文字來源:香港人.歎世界/圖片來源:互聯網