宇治金時、香芋及蓮蓉 3 款口味！每年太平清醮入長洲睇飄式、買平安包可謂指定動作，以為年年都只係咁，少年你真係太年輕喇！今年Sanrio Characters首次同平安包元祖級餅店郭錦記聯乘，推出三款全新口味平安包，Hello Kitty、蛋黃哥同布甸狗平安包分別係香芋、宇治金時及蓮蓉口味，做手信一流呀！除咗平安包禮盒，仲有長洲限定嘅主題鎖匙扣同磁石𠻹！仲有呀，如果你買咗主題小冊子同印章套裝，大家可根據小冊子上列明的必到景點，包括郭錦記本店、海鮮街及長洲碼頭設有的主題印章收集站蓋章打！ ▲喺包上印咗 Hello Kitty、蛋黃哥及布甸狗嘅大頭 ▲今年Sanrio Characters 將首次同長洲平安包元祖級餅店郭錦記聯乘 ▲仲有長洲限定嘅主題鎖匙扣同磁石 ▲大家仲可以可根據小冊子上列明的景點，有主題印章收集站蓋章打卡 Sanrio Characters‧郭錦記地址：香港長洲北社街 46 號地下電話：2986 9717供應日期：即日至2018年5月31日營業時間：10:00 – 19:00，太平清醮期間開放至21:00售價：88/盒(4個)...