葵廣有咁多野食，要多年屹立不倒真係要有返咁上下功架！呢間主打水餃同米線既食店，好多人食過都覺有滿有媽媽既味道！佢地每日新鮮包3000隻水餃，口味有韭菜鮮肉餃及椰菜鮮肉餃兩款選擇！餃子皮薄餡香味濃，令人回味無窮！ ▲鄧媽媽老闆原來唔係姓鄧，係來自「dumplings」的廣東話諧音！餃子可揀煎、放湯或紅油抄手都可以！ ▲鄧媽媽招牌炸豬扒醃得入味，煎得幾香！ ▲鮮烚鮮肉餃子韭菜/椰菜(5隻$25；8隻$34；12隻$44) 每日用本地新鮮豬肉做，有韭菜鮮肉餃及椰菜鮮肉餃兩款，隻隻飽實滿足，味道甘甜濃郁。 ▲鄧媽媽同隔離一泡而紅係姊妹店，鮮蠔肉碎泡飯$46 係潮洲食法，用上新鮮鯪魚同多種材料熬製成湯底。除咗有蠔仔、肉碎，仲有細冬菇同蛙蛙菜，加埋莞茜同胡椒粉，完全提升成個香味。 鄧媽媽過橋水餃 地址:葵芳葵富路7號葵涌廣場2樓C41號舖Shop C41, 2/F, Kwai Chung Plaza, 7 Kwai Foo Road, Kwai Fong港鐵葵芳站...
仲記唔記得兩年前夏天，ig掀起日式芭菲熱潮，大大杯芭菲價值不菲，其實都好少特登去食，不過另一條線有主食又有甜品食，仲唔係食完即刻甜品直落？呢度大部份食材都源自日本，就好似和牛漢堡扒咖哩蛋包飯咁，除左和牛漢堡扒係來自鹿兒島之外，使用上福岡雞蛋同新潟米，絕對係和式風味！ ▲鹿兒島和牛漢堡扒佐咖哩蛋包飯($148)漢堡扒非常厚身，牛味重juicy而味濃，呢個日式咖哩汁顏色偏深，味道帶甜唔辣，蛋包飯隻蛋係福岡雞蛋，寧舍有蛋味！ ▲呢度既甜品芭菲唔會走樣，一樣有唔同期間限定既芭菲。 ▲hiuukwan 焦糖香蕉法式吐司($78)吐皮脆卜卜，中間軟腍腍而且非常煙韌，加埋雪糕好好食！條香蕉亦都有焦糖係面！ ▲和風博多明太子意粉($98)明太子意粉係「和風意粉」表表者，呢度特別在浸泡著湯汁食，意大利粉係用日本小麥粉製作，拌上湯汁、本菇同香濃既明太子混在一起，非常彈牙而啖啖食到豐富既味道。 L.D.K. by Ufufu Café 葵芳店地址：葵芳興芳路223號新都會廣場3樓345A號舖電話：35863899營業時間：11:30am~10pm 沙田店地址 ：沙田沙田正街18號新城市廣場一期1樓115號舖電話：35862997 文字來源：香港人.遊香港／圖片來源：beartony、esther_pui_pui、lokwanchai、hiuukwan...