粉嶺

簡單易行！ 每逄秋冬芒草季，就會出現一股芒草狂熱！想扮文青又唔想上山都有辦法，推薦一條超輕鬆郊遊路線-鹿頸－谷埔比大家！呢度有大量蘆葦，風景好靚，蘆葦係生長係咸淡水交界，所以呢條路線大部分都係平坦小徑，來回係陽光照射之下，一望無際閃閃生輝蘆葦海，真係好鬼靚！沿路有唔少影相位，包括有碼頭燈塔、海邊奇異怪石、連島沙洲，亦有一大片紅樹林、蜿蜒小徑、荒廢小屋，形成一幅美麗圖畫。 ▲由鹿頸行去鳳坑期間，會望到對面的紅花嶺 ▲沿路一直風光明媚，泥灘、海水、湛藍天空，感覺很治癒 ▲影相打卡位甚多，呢個碼頭燈塔位亦是其中之一 ▲鐵絲網圈著荒廢的小屋及田野，門口佈滿蘆葦 ▲完善的水泥小徑一直建於海旁，吹吹海風會有心曠神恰之感 ▲到了谷埔啟才學校，可在此稍作休息，面對一望無際的芒草，產生一股治癒感 ▲啟才學校盡顯英式建築特色 ▲舊式的小屋特別有鄉村味道 ▲最後一站當然要會一會「宋伯豆腐花」 ▲紫薯餅紫薯味濃郁，咬落粉不乏軟糯口感 ▲豆腐花豆味香濃，由山水帶出其清甜 鹿頸－谷埔 行山路線：雞谷樹下＞鳳坑＞谷埔 (沿路折返)交通:粉嶺港鐵站C出口，乘56K往鹿頸的綠色小巴 文字／圖片來源：香港人.遊香港...