主頁 香港 北區

上水茶館:【親親大自然!慢活小白屋喫茶館!】- 白院子

位於粉錦公路蕉徑鄉郊處,有一座小白屋喫茶館,只限周末預約開放,邀請各位從繁喧都市走入寧靜既鄉郊,享受一片屬於大自然既寧靜,將沉重思緒沉澱,心靈受到洗滌。大家可以碧翠山巒環抱之下呼吸新鮮空氣,品嚐園主推薦既茶,欣賞大自然既一花一草!小白屋不時同香港本地品牌合作,舉辦一些手作班及靜心活動,之前曾經舉辦手作花生醬及瑜加班,每次主辦單位及主題都有所不同,大家不妨留意下ig上既宣傳,可能會有唔同既新體驗。

粉嶺打卡:【粉嶺期間限定!駐足欣賞紅花風鈴木!】- 粉嶺中心

今年2月,香港人都經歷左不一樣既時間。大家都足不出戶,就算出街人流都大大減少,尤其上水、粉嶺呢d新界北地區,少左內地自由行人士,社區只剩下街坊。天氣稍暖,粉嶺火車站出面有2大棵紅花風鈴木,呢2棵紅花風鈴木遠觀好似櫻花,一般樹既高度比黃花風鈴木更高,觀賞價值都一樣咁高!所以最近引來唔少行人駐足欣賞,好多龍友都一早黎霸位影靚相!不過小編提提你,呢個地方係午前後會好多人聚集賞花,減低染病風險,大家最好避開人潮,賞花時都記得戴實個口罩呀~

【遠離煩囂!望著個海食蜆飲啤酒!】

位於沙頭角鹿頸谷埔村,落小巴都要再行45分鐘,周未當個遠足郊遊,行累了就到呢間隱世士多叫一籠海蜆,一支啤酒,同友人吹下水,以沙灘挖來蜆,吐沙清洗後以竹簍盛載清蒸,加數片薑,成品鮮味十足!

【滑草+高卡車+BBQ全日任玩!大人細路都有得放電!】

位於沙頭角的禾田喜山的種植園舊年先開幕,除左傳統農莊導賞團,呢度仲引進左好多新設施適合一家大細齊齊玩。最吸引莫過於全港最長的 70米高山滑草和高卡車,刺激得黎又安全。大片草地上又點少得可以比你翻滾的大型吹氣球、保齡球,仲有彈床、繩網、沙池等等多種設施比小朋友玩。玩到餓餓地想BBQ又得,仲有不同的水耕導賞團、蜜蜂區、蠶蟲館等比小朋友親親大自然。咁多野玩,只要一個價錢就可以全日任玩真係好抵啊!

【親子農莊體驗人情味!讓小朋友認識魚菜共生!】

 親子活動除咗吃喝玩樂之外,生活體驗對小朋友成長係重要嘅一環。係粉嶺坪輋一帶,有一個富有人情味嘅農莊,透過工作坊讓父母和小朋友親身見識魚菜共生技術。整體活動相當充實,有親手捉青蛙、戒玻璃樽做花樽、用吸管做綿羊仔裝飾等。親親大自然既有環保意義,絕對一個唔錯的假日親子活動之選。

熱門標籤

熱門分類

Close Bitnami banner
Bitnami