荃灣有間商場餃子小店，坐得好逼，餃子款式多多，大大粒亦非常足料，口味多多好似韭菜餃、雲耳白菜餃、椰菜餃，想食特別d既，可以揀粟米三色椒豬肉、咖喱薯仔豬肉及香菇木耳雞肉，雖然呢度有煎餃同湯餃，小編都覺得湯餃比較好食，因為湯底自家製老火湯，清甜而帶鮮味，好有誠意！ ▲坐底之後落order都要等一陣先有得食，店員會先比菜脯，辣醬就係放係台面任落既！ ▲椰菜肉餃($32/6隻 $38/8隻) 小編推薦魚膠淮山煲豬骨湯底，聽落個名已經骨膠原十足！呢個湯有美顏潤膚、益氣補腎之效，小編通常會留肚飲埋個湯！ ▲香芹肉餃($32/6隻 $38/8隻)芹菜富含粗纖維，具有降血壓、清血脂功效 ▲粟米香菇餃($38/6隻；$46/8隻) 隻隻餃都大大隻好飽滿架，食落大滿足！ ▲白菜豬肉餃($38/6隻；$46/8隻) 黃金煎餃更似一隻隻元寶！ ▲白菜豬肉餃($38/6隻；$46/8隻) 煎餃略油膩，一口咬落食到白菜清甜爽脆，同時肉餡緊實有彈性。 ▲三式煎餃 (芝士/紫菜/香辣) 煎餃少不免有油膩感，但勝在夠香口，而且芝士同香辣口味經煎過後味道更香濃。 ▲酸辣薯仔絲($21)呢度除左餃子外，都有其他小食，好似呢個酸辣薯仔絲咁，下次可以試埋！ 餃子屋專門店 地址：荃灣荃昌廣場1樓58號鋪營業時間：星期一、三至日：1030-2130 |...
