新蒲崗係個舊式工廠區，迎來引入好多shared office，加上租金比其它地區平，令多左年青start-up進駐，因此面貌同以前有所不同。Lunch Time附近食店坐得好逼，所以就算食lunch買外賣機率都好大。呢間日式便當店主打即叫即整午餐日式飯盒，食材盡量都係由外地購入，等打工仔食得安心，便當有幾款，最受歡迎都係重光招牌便當，有多款炸物，而每款便當都有跟埋沙律、醃蘿蔔、蒟蒻、獅子狗卷同飲品，真心抵食！ ▲燒牛小排弁当（$88）美國牛小排燒成5成半熟，油脂牛味香濃。 ▲吉列豬扒弁当（$68）吉列豬扒沾上日本麵包糠脆炸，形成外層脆口、肉質焾滑。 ▲鹽燒鯖魚弁当($58)鯖魚煎完仲保留juicy 魚汁，外皮焦香脆口，便當都係用上日本北海道米飯。 ▲重光招牌便當（$65）有齊蝦餅、炸雞同鱈魚柳，加埋本身配料沙律、醃蘿蔔、蒟蒻、獅子狗卷，十分豐富。 牛肉壽喜燒便當（$58）好耐冇食吉野家？黎呢度就食到高汁牛肉飯喇！ ▲呢度都有幾個堂食座位，比較建議買外賣返去食！ ▲飲料方式小店同另一間尖沙咀茶飲店黑金堂合作，配埋清香蜜桃烏龍茶 文字來源：香港人遊香港 / 圖片來源：@somesweetinlife、@imy0k012o2、@micmicland、@allenking1224、@wonghing123...
