Home
屯門‬
Latest

屯門‬

元朗區屯門區新界

【新鮮爽腩！配清湯又得、配咖哩都得】

街坊推介！呢間小店主打牛腩，食法除咗配合清湯、咖哩外，同時亦推出蕃茄濃湯去刺激大家食慾！清湯崩砂爽腩河既湯底味道濃郁，牛腩肉軟腍彈牙牛味濃 ，而且腩中帶筋🐄，口感一流！另外好多街坊都推介咖喱爽腩河，小店會將牛腩放入咖喱汁中烹煮至入味，再連腩帶汁同河粉拌勻🍜，爽腩滲出濃濃咖喱香之餘，每一條爽滑河粉都均勻地掛滿咖喱汁。 ▲清湯崩砂爽腩河既湯底味道濃郁，腩肉入口爽嫩，口感一流 ▲番茄跟牛骨湯係一個絕妙嘅組合，配合埋純鮮牛丸、牛腩、牛孖筋等 ▲主理人精選優質咖喱籽，再配合數十種天然香料精心秘製，每日熬煮六小時以上，香濃惹味有辣勁 ▲鋪面工整，服務員姨姨既態度親切和藹 洪強清湯腩咖喱 專門店地址 ：屯門青葵徑5號地舖 元朗擊壤路17號順發大廈地下H號舖 時間：11:00 – 23:00 文字來源：香港人.遊香港／圖片來源：洪強清湯腩咖喱專門店...
九龍博客群屯門區新界油尖旺區港活動灣仔區香港

【親子好去處：唔駛錢玩玩具！反斗城玩具市集！】

[博客授權分享：Alfred成長日記] 小朋友最愛的悠長暑假到了，小朋友最開心，而媽媽我就費心為他安排節目及活動！至於活動，我就一定私心推薦大家去玩一些免費任玩活動，最近得知大人小朋友都喜愛的玩具反斗城舉辦了一個名叫Geoffrey’s Summer Camp的免費活動！場內總共有15個遊戲攤位免費玩，完成遊戲後可獲贈限定小禮物、優惠卷及蓋印一個，而且還有機會與卡通人物見面啊，又玩又拎又打卡，開心一齊過暑假！ ▲記得先去顧客服務部領取遊戲卡 ▲Hello Kitty 廚房，一齊玩煮飯 ▲知育菓子攤位，這個免費遊戲攤位絕對滿足小朋友愛模仿大人煮飯的行為，除了可穿著廚師服飾外，亦可考驗小朋友手眼協調（因為用具比較小巧），完成後，小朋友更可品嚐自己做的食物呢。 ▲材料都是獨立包裝 ▲按一下，就快完成 ▲完成品 ▲Globber Scooters，Scooters免費任玩，場內還有一條小小賽道讓小朋友大顯身手。試玩完後，就可以得到獎牌一面。 ▲Rocket Wheels ▲Carrera ▲爆旋陀螺 擊爆戰魂 Beyblade BURST ▲GP超霸對對碰 ▲集齊5個蓋印，即可到顧客服務部換領精美Geoffrey硬皮故事書一本 總結：雖然假日的時候，玩具反斗城人群也蠻多的，排隊玩遊戲攤位需時可能亦較耐，但免費玩具任玩任試，加上完成遊戲後均有機會獲得小禮物，小朋友都玩得很盡興呢！ ＊此文章由Alfred成長日記授權分享，原文網址：【限時活動】玩具反斗城Geoffrey’s Summer Camp 免費玩 玩具反斗城Geoffrey’s Summer Camp 日期：即日起至8月5日活動時間：2:00 pm – 9:00 pm活動地點：1. 尖沙咀海運大廈店  九龍尖沙咀海運大廈地下 OTG23 號舖 (港鐵尖沙咀站L6出口) 2. 銅鑼灣皇室堡店  香港銅鑼灣皇室堡 7 字樓舖 (港鐵銅鑼灣站E出口) 3. 屯門市廣場店 新界屯門市廣場 1 期 2 樓 2196 號舖 文字整理：香港人.遊香港／文字及圖片來源：Alfred成長日記...
好地方屯門區新界行山

【鳥瞰港版千島湖！行九逕山賞大欖涌水塘！】

[駐場博客 @小牛牛快樂行山郊遊相集by Chan Keung］天氣實在太熱了，打算揾條舒服簡單路線行吓，心諗最舒服路線莫過予麥理浩徑10段啦!因為全程石屎兼平坦路，輕鬆過行公園，但係….敵不過自己心野，卒之行咗上山頂，辛苦嘅旅程又開始了。 九徑山點去？ 話說當日睇到天氣報告 高溫直逼34度，諗住搵條簡單舒服路線行吓，小編一諗就諗到去麥理浩徑10段，因為呢度九成係石屎路平緩路線，十分簡單，仲簡單過行公園。屯門食完早餐之後就坐港鐵巴士K53出發，去到掃管笏變電站落車，再行一小段路，好快就上到去麥理浩徑10段中段入口 超靚鳥瞰港版 千島湖 打卡位 一直行，風和日麗又有樹蔭，清風送爽，行得好舒服，行咗冇耐就見到金沙坑，即管走入去睇睇，早幾日落完大雨，山澗十分大水，今次唔行石澗了，洗洗面之後再繼續沿麥徑行，但係見到金沙坑旁邊有條山徑好正，心癢癢決定改向高山路線走上去，順便可以高空俯瞰一吓大欖涌水塘全貌，呢個被喻為香港千島湖之稱嘅靓景，究竟有幾靚呢!山徑初段已經好多散沙碎石，行每一步都好跣，十分難行 ，地況就好似青山腹地，蚺蛇尖差不多，其實呢條屬於九逕山其中一條山徑，好多都係行山友自己開發，除外有絲帶引路之外，有部份路徑有D自行搭建嘅乘涼設施添。繼續不斷向上行，路徑十分貧瘠，乾旱，大部份都係沙地，就算有幾靚幾咬地嘅行山鞋都無用，小編好小心行都跣低咗幾次，所以上到山頂都相當花體力，到頂後回頭一望，觀景開掦，一望無際，頓時一洗心中疲累呢! 經過一個又一個山坡之後，竞然發現有水源，睇睇地圖原來係白石坑近源頭地帶，真係久旱逢甘露，衝過去小溪澗，立即用水擦擦面，精神圍之一振。繼續沿山徑上路，多條路線縱橫交錯，唔睇清楚地圖好易走錯路，走到另一小峽谷，有一小段急斜下坡小徑，有前人違下的大麻繩，借力落到底，到達九黃石澗，横過後又要爬返上斜坡接回山徑，上上落落之後又到達一個大平源，旁邊可以俯瞰整個大欖涌水塘，嘩~ 真係好靚喔，不愧為香港千島湖之稱，其實行過大㰖涌水塘十多次，不過每次都係水塘旁邊行，無今次俯瞰效果咁靚。打卡後開始沿山徑落山，經過黄泥墩水塘，向楊家村方向直落，經過幾個農莊，有興趣仲可以購買一些蔬菜回家添，穿過農莊到達大棠巴士總站，完成旅程。需時大約5小時。 ▲由掃管芴直上麥理浩徑10段起身好快就到達金沙坑 ▲改道金沙坑旁邊山徑直上 ▲山徑入口有絲帶引路初段不太難行 ▲山徑入口有絲帶引路初段不太難行 ▲山徑入口有絲帶引路初段不太難行 ▲ㄧ直沿山徑直上路況開始變差 ▲大部分路段都係散沙碎石 ▲遠眺東灣 ▲多個觀賞位置 ▲假蘋婆 ▲越近山頂路況差大部份都係散沙碎石 ▲碎沙路好跣每步必需小心慢行 ▲山徑貧瘠地勢有啲相似青山腹地和蚺蛇尖一帶 ▲黄沙浩瀚 ▲韭蓮 ▲山勢連錦起復 ▲經過九黄石澗源頭呢度十分斜都需要借助麻繩上落 ▲卒之到達今次最佳位置呢個位置可以俯瞰整個大欖涌水塘 ▲有千島湖之稱嘅大欖涌水塘 ▲打完卡後沿山徑落山 ▲落山接回麥理浩徑10段 ▲高温下慢步落山 ▲經過黄泥墩水塘返回大棠巴士總站完成旅程 九逕山 路線: 掃管芴>麥理浩徑10段>金沙坑>九逕山>大㰖涌水塘>黄泥墩水塘>楊家村>大棠 全程約7公里交通: 屯門站乘坐K53港鐡巴士(留意班次十分疏落) 掃管芴變電站落車 注意:⚠行麥理浩徑10段，可以唔上山徑，直接去到大㰖涌水塘邊走⚠天氣炎熱記得要帶多啲水，建議每人最小2公升⚠九逕山徑部分路線崎嶇難行，必需由經驗人仕帶領，出發前先下載行山apps地圖⚠愛護郊野清潔人人有責，自己垃圾自己帶走 文字／圖片來源 ：小牛牛快樂行山郊遊相集by Chan Keung...
屯門區新界

【係屯門人既集體回憶！風味橋底粉仔！】

小編細個果時，有時經過置樂橋底都會食返碗粉仔，以前係呢度堂食就最抵，果時係野飲任飲﹐不過往事只能回味，依家食一碗粉仔，味道唔及以前，依家冇左任飲，仲貴左好多啦，不過個辣菜依然辣得醒神，間中回味下以前都好既！ ▲粉仔檔既粉仔($16)製作方式同材料非常簡單，用麵粉搓成條狀，放湯即煮，拌入少量蝦米同豬油渣，唔係咩世間美食，不過呢度既粉仔既精粹在於爽口既菜甫粒度，真係非常醒神！ ▲生菜魚肉($16) 將鯪魚肉加入生粉、蝦米及蔥花打至起膠，再放湯煮，煮完冇縮到水，條魚肉仲粗過手指！湯底加入生菜絲，感覺冇咁膩！ ▲除左粉仔之外，呢度當然有燒賣($9/8粒)同腸粉($10/5條；$13/7條)食啦！滑嫩既豬腸粉，加上甜醬、花生醬、豉油加芝麻，熱辣辣食真係好鬼正！而雖然燒賣唔係自家製，但勝在蒸得夠熱，咬落又唔會成口粉，好岩胃口。 ▲魚肉翅($18) 魚肉翅有木耳絲、冬菇絲和肉絲加上魚肉食，啖啖都有咬口。 粉仔檔  地址 ：屯門青河坊2號麗寶大廈地下1號舖電話：24580829 文字來源：香港人.遊香港／圖片來源：an23q，mandieatagram，fu.ho.10，ansonchin2006...
好地方屯門區拍拖新界

【Chill Hea！禪味小清新cafe】

屯門後花園好去處！ 位於屯門既一片禪味極濃厚既文藝空間，有素食Cafe、書店同展覽場地，附近街坊都會行入黎走走逛逛，愛讀之人既有，少不免黎打卡影相都有，睇真d呢度其實文藝氣息處處，小編最欣賞呢個一格格既café空間，最岩同閏蜜黎！ ▲講到藝文空間，大家只會諗到jccac或者係牛棚，邊個會諗到，屯門呢個鄉下城市都有文化空間「清山塾」。圓形而紅彤彤既門口、碧綠既瓦片、純白色既牆，不禁令人聯想起武俠小說情節。 ▲Cafe內裡古色古香，樓底超高 ▲另一旁既桌椅都幾多，呢度既合適兩三閏蜜又合適多人gathering ▲另一角就係藝術展覽既場地 ▲讓藝術進入生活，呢度係唔少都市人喘息既空間 ▲小編最愛呢個一格格既小天地，情侶同閏蜜訴說心事一流 ▲彷彿置身彷如隔世之空間 ▲而戶外五彩繽紛既攀架，打卡吸引度不下於南山邨 ▲呢度係食素食既，其中最多人推介彩虹翠玉瓜雜菜批 $48，食落尤其新鮮。 清山塾 地址： 屯門屯富路清涼法苑營業時間：星期五12-6、星期六及日10-6，私房菜只在有客席廚師駐場時提供（私房菜須預訂）*星期一休息，如星期一為公眾假期則改翌日休息。週末私房菜晚餐每位$200，4-10歲半價，4歲以下免費。 預訂需於星期四11am前預訂，落一半訂金為準。 文字來源：香港人.遊香港／圖片來源： yammiauau、dannyeung、williamyim0805、luigi2、ter_ter_terence、yukanta、monchichitasting...
屯門區新界

牛肉丼專門店：【火山大爆發！火牛丼】- 犇道 Chef B

仲想雪山牛丼！😍 新店嘅牛肉丼，牛肉選用美國Prime級安格斯牛肉，再以低溫慢煮4小時而成，🐮牛肉保留咗鮮味，而且肉味香濃，150g牛肉堆成嘅小山丘，再用火槍炙燒，加埋溫泉蛋，好吸引呀！牛肉丼撈埋蛋汁後流落黎，十足火山爆發，鮮味仲好突出，好驚喜呀！ ▲招牌作火山牛丼($92)選用美國Prime級安格斯牛肉，慢煮4小時而成 ▲牛肉不但保留了牛肉的鮮味，而且肉味香濃，150克牛肉放喺飯面堆成小山丘，再用火槍炙燒，加埋溫泉蛋同蟹子，賣相好吸引！(雪山牛丼$98) ▲其間限定板燒吉列牛排(晚市供應) ▲其他主打仲有灸燒牛肉拉面、松露燒牛扒定食。 犇道 Chef Ben 地址：屯門龍門居9座地下91號鋪電話：34622187時間：12:00-14:30、 18:00-21:00 文字來源：香港人.遊香港／圖片來源：ChefBen...
好地方屯門屯門區新界行山

屯門行山短線：【雙水塘之行！碧山綠水心曠神怡之旅】

[駐場博客 @ 賞山樂山］藍地水塘和洪水坑水塘都是位於屯門區的灌溉水塘，地點相近，可以一次過遊覽這兩個水塘，路徑簡單，而且亦非常適合一家大細健步行！ ▲起點是麥理浩徑的終點(何福堂夜中學) ，由屯門市廣場第二期經過杯渡輕鐵站，然後落天橋，再向前行過馬路便會見到何福堂夜中學了。 ▲從中學旁邊山路上去，跟著地上指示往郊野公園，約15分鐘便會到達屯門徑和麥理浩徑的分盆路，這時需轉左往藍地水塘繼續。 ▲約10分鐘後，會見到指示牌，轉右往藍地水塘(根據地圖顯示，直行都可以去到藍地水塘)，這條路線會沿著河溪旁走到涼亭。 ▲涼亭附近有幾條小路，注意要選擇往虎地坳的小路。沿路落山，發現愈來愈接近藍地水塘，旁邊會見到一些水池(注意安全，不要落水玩呀) ▲再向前行，發現有一小路可以落去水塘邊，就在此吃午餐及休息。在這裡已經看見遠方有一條橋，這將會是下一站。 ▲果然，5分鐘路程便到達這條橋，當然要爭取時間拍照啦！ ▲在橋的盡頭轉左，經過民居便會走出馬路，直到見到右邊馬路(福亨村路)，便需轉右，一直走到盡頭，會見到石礦場的地盤。取左面閘口入去，便會發現指示牌指示水塘的方向。 ▲沿馬路上山，見到分岔路轉右，走到馬路盡頭就是洪水坑水塘邊。稍作休息後，便回頭走，在馬路旁邊有樓梯可以到達水塘的橋。 ▲這個水塘比藍地水塘寧靜，可以在這裡慢慢拍照。 行程尾聲，由水塘步行往泥圍輕鐵站，約需要40分鐘。需注意這條路比較隱蔽，在樓梯盡頭的左面，有一條小路，沿路行，路線愈來愈清晰，最後到達民居。經過民居再沿馬路走，便會出到青山公路，從泥圍站坐輕鐵回到屯門市中心。 路線參考: https://goo.gl/Kvk38D 難度: ＊＊(5＊為最難)需時: 4.5小時長度: 8.5公里 交通:起點: 巴士屯門市廣場站落車 西鐵屯門站 終點: 泥圍輕鐵站往屯門站 文字／圖片來源 ：賞山樂山...
屯門區新界

【越南咖哩飯！】

越南咖哩飯 你食過未？！ 呢間位於屯門嘅越南餐廳，已經開左好多年架啦，小編學生時代已經食過，到今日仍然保持以往嘅水準真係難得，亦有唔少人專登入屯門食呢間越南野，店內都有各式各樣嘅菜式，河粉、飯等，而佢地嘅招牌菜係咖哩牛腩飯。其實老闆於1990年創立，一直是不少明星飯堂，當中包括肥姐、薛家燕、呂良偉等均為捧場客，足總主席梁孔德和太太梁劉柔芬議員都是餐廳的忠實粉絲。2000年曾經因店主移民而暫停營業。現時有三間分店，分別於何文田、旺角和屯門。 ▲咖哩牛腩飯($39)：咖哩牛腩飯是店內招牌菜，佢地嘅牛腩出名好好食，煮到好軟，而且又有入味嘅薯仔。 ▲通常食越南野，都會有滴咖啡，齋飲其實就幾苦，攪一攪勻就味道岩岩好。 ▲佢嘅湯麵個湯底其實好濃郁，有咖哩湯、辣湯揀，好惹味，一定回味無窮。 ▲除左湯麵之類，佢嘅小食都一流水準，串燒有雞牛豬揀。 李錦基越南飲食 地址：屯門啟豐商場地下27-28號舖電話：2613 5778 文字來源：香港人.遊香港／圖片來源：peterxlam...