疫情之下不少人都選擇到郊外或海旁「親親大自然」，或者打下卡。自屯赤隧道開通後，附近的「浩和街」，就成為了一眾打卡發燒友的新熱點！
今次為大家介紹行山新手路線－屯門徑七彩欄杆！ 熱門打卡點～七彩欄杆，五颜六色的確有趣，决定出走一趟。首先坐港鐵住屯門站落車，C3出口，沿杯渡路一直走，好快就到達麥理浩徑10段入口，首先經過數間村屋，呢度幾户都有養咗幾隻狗，小編每次行過都受到佢哋熱烈”歡迎”，不過佢哋唔會咬人，唔洗驚呢! 呢段路大部份都係石級，小啲腳骨力都唔得，上到分岔口轉左，接上屯門徑1段，沿途有幾座涼亭可以休息抖吓， 好快就見倒呢度嘅地標~七彩欄杆，平時路邊啲欄杆大部份都係灰色，七彩真係第一次見，的確好靚，好有特色，全長大約200米，打完卡之後一直行經過虎地，再一路落山，好快就到達藍地灌溉水塘，風景好靚，從水壩頂望落去，流水一條條流落壩底，每條流水旁邊仲長出翠綠苔蘚，好似一條條絲帶，好靚啊，小編都忍唔住走到水壩較下方，揾個靓位打打卡先。打完卡後沿水塘旁邊山徑繼續行，呢段山徑平緩易行，一路行一路可以欣賞旁邊大小山澗，其中一個較大嘅水潭名叫~行者池，呢個水潭大約有20米長濶， 流水淙淙，仲有一個細小瀑布添，其實呢條山澗都有名堂，名為~虎地坑，上游為九逕山脈中一個水源，下游正是藍地灌溉水塘。由於之前早幾日都落過大雨，所以虎地坑各處都河水滔滔，流水非常湍急，離開澗道轉入屯門徑2段，經過一大段落山路之後返回屯門站，完成今次旅程。 郊遊後感: 郊遊，對我們兩夫妻來說，除了是有益身心的活動，更是讓心靈重新上電的治療。如果為了城市開發，今天犧牲一少片郊野、明天犧牲一少片郊野，最後這些可愛的大然自，就會變成一塊塊無情的石屎，多可惜！希望愛山野的人，都可以身體力行，保護郊野公園，免受不可逆轉的破壞！ ▲屯門港鐵站C3出口經杯渡路進入麥理浩徑10段起步 ▲由於早幾日都落過大雨所以山徑兩旁植物都沾滿水珠 ▲走上數段石級之後卒之到達七彩欄杆 ▲七彩欄杆全長約200米顏色鮮豔繽紛耀眼 ▲山徑旁植物紫薇 ▲經過幾個涼亭之後沿山徑落山到達虎地 ▲藍地灌溉水塘 ▲水壩正排水中流水ㄧ條條緩緩而下 ▲藍地灌溉水塘水平如鏡-水面鋪滿一層薄薄的水澡 ▲流水中間水壩都長滿了苔蘚形成一行行美麗的構圖 ▲好多行山人仕經過九逕山都慕名而來參觀一下藍地灌溉水塘的美貌. ▲地上菌類植物名叫蕈菌 ▲行者池直徑約20米 ▲由於早幾天連場大雨虎地坑水流湍急波濤洶湧 ▲行者池旁邊的小瀑布 ▲在虎地坑旁邊發現側邊猿猴石 ▲大花老鴉嘴_台灣人叫大鄧伯花. ▲屯門徑2段途中 ▲朝向屯門站方向緩緩落山 藍地灌溉水塘 路線: 屯門港鐵站>麥理浩徑10段>屯門徑1段>七彩欄杆>藍地灌溉水塘>行者池>虎地坑>屯門徑2段>屯門港鐵站全程8.7公里 需時3.5小時路線詳情：https://bit.ly/2OvFeqg...
位於屯門碼頭嘅小茶角，主打牛角包為主，特別之處是會以牛角包crossover burger， 牛角包入面配上唔同餡料，入口口感豐富。最出名嘅「屯門牛」更加係大家嘅首推！小茶角亦提供手調飲品，飲品選擇比想像中多。店舖細細，位置唔多，大概只有10-12個位，所以想食都可以早啲嚟買！店舖內有部分位置對住海景，一邊望住個海，一邊食牛角包，真係好chill好relax！ ▲ 屯門牛 ($45)： 牛角包夾住煙肉、蛋、磨菇、芝士同蕃茄，份量好足！ ▲ 牛角包食落非常之鬆脆，亦好飽肚，高分推介！ ▲ 牛魔王 ($62)：厚厚嘅牛肉同滑蛋，再加芝士， 牛肉咬落好juicy，配合配菜唔怕太油膩！ ▲ 單骨雞翼 ($28)： 超惹味嘅雞翼 ！食落去係濃濃嘅椒鹽味道！ ▲ 醉藍星空 ($33)(左) ：呢隻藍色真係好靚好清新！打卡一流，味道唔會太甜！ 抹茶拿鐵加珍珠 ($31) (右)：幾香濃，珍珠亦好彈牙！ 文字來源：香港人遊香港 / 圖片來源 ：＠ling.thefoodie、@momoleunglky...
今個聖誕，Hello Kitty以德國主題造型黎到屯門同大家打卡影相，一黎到已經見到大大隻既Hello Kitty同Müllerchen，個個都差住同佢地影相！小朋友一定要穿過呢個4米高Hello Kitty瞭望台，同埋一定要玩呢個4.5米高Müllerchen探險滑梯！除左咁之外，仲有多個打卡位搵到Kitty同Müllerchen蹤影，經過聖誕蘋果森林、浪漫星光隧道、雪山冰洞，一定會影到好多靚相，當然唔少得Hello Kitt同Müller既禮品市集！ ▲Hello Kitty已經同Müllerchen以德國傳統服飾造型隘場！佢地兩個同手執大蘋果，真係行過都忍唔住打卡呃like！而Müllerchen木頭公仔呢個大型裝置仲同時係一個巨型彩虹滑梯黎！ ▲屯市signature 超高聖4年都聖誕樹，鮮紅亮眼的大型蝴蝶結燈飾掛在巨型聖誕樹上，細裝飾都加入Hello Kitty、Müllerchen既原素。 ▲Hello Kitty蝴蝶結造型露營車車站，仲可以搵埋粉絲車長Müllerchen自拍！ ▲蘋果園野餐區內旁特大蝴蝶結鞦韆 ▲同Kitty及Müllerchen蘋果園野餐區影相！ ▲場內有超過200個像真蘋果，同Hello Kitty一齊玩「摘蘋果挑戰」！ ▲蘋果森林內將有一條浪漫閃爍星光隧道，走進隧道尤如置身甜蜜世界，閃閃發光小燈泡及玻璃球！ ▲只要係「摘蘋果挑戰」成功獲取指定分數，即有機會贏取木製蘋果形聖誕卡，寫完仲免費幫你寄埋。 ▲雪山冰洞探險以Hologram 技術重現Hello Kitty與Müllerchen相遇故事 ▲期間限定聖誕市集開鑼！ ▲Hello Kitty．Müller系列「Smoking Man」擺設，全球限量100件！ ▲Hello Kitty．Müller系列唇彩 ▲Hello Kitty．Müller系列筆座、日曆 ▲Hello Kitty．Müller有蓋玻璃杯連蘋果汁 Hello Kitty．Müllerchen蘋果森林聖誕相遇之旅＠屯門市廣場 地址：新界屯門屯順街1 號屯門市廣場1樓中央廣場限定日期：2019年12月2日至2020年1月2日 圖片及文字來源：香港人遊香港...
呢間高質拉麵店主打魚介沾麵，只要係網上search下就會知道呢間店曾因江湖恩怨遭到搗亂，雖然眾說紛紜，不過實在影響唔到佢地拉麵既出品。除左最受歡迎既魚介沾麵，仲會有黑油及海老湯底，湯底則採用大量豬骨熬製10小時而成，拉麵就係本地製麵所鮮做，同湯底或沾麵汁都好夾！ ▲黑油豚骨拉麵($82)店家自家製黑蒜油、炸蒜、生蒜蓉非常惹味。 ▲海老豚骨拉麵($82)湯底以魚介麵豉、鰹魚同小魚乾熬製，呢度麵身偏硬同偏粗，岩哂鐘意口感既人士！叉燒切薄依然保持肥瘦相隔。 ▲黑油豚骨沾麵($80)麵條都好掛湯下，叉燒、半熟蛋、筍條，互相配合，不過沾麵就要快d食完，凍左就痴埋一舊。 ▲辛肉味噌沾麵($85)辛肉湯好紅，味道比較似韓國辣醬 ▲兩店分店座位唔多，想食有機會有排隊既心理準備。 赤橋拉麵 屯門店 地址：屯門青菱徑9號華利大廈地下5號舖電話：36861221營業時間：星期一至五12:00 – 15:30／18:00 – 22:00；星期六至日12:00 – 22:00 赤橋拉麵 元朗店 地址：元朗西菁街20號益輝大廈地下12號舖營業時間：星期一至五12:00 – 16:00／18:00 – 22:00；星期六至日12:00 – 22:00 文字來源：香港人.遊香港/圖片來源：@adrian_tangpk1221、@chuchuvvv、@horacelhc、@stv0408、@hkotmeal...
各位家長等到頸都長，全港首個共融遊樂場今日開始有得玩喇！康文署同建築署係屯門公園興建全港首個共融遊樂場，遊樂場迎合唔同身體狀況、能力既小朋友，無障礙地係遊樂場中暢快玩樂！遊樂場有7個遊玩主題區，包括攀爬、沙池、玩水、鞦韆同各種材質既滑梯。 ▲旋轉地帶既繩網氹氹轉，將繩網同氹氹轉兩樣好玩既野融合！ ▲獵蛋樂園沙枱玩沙 ▲爬蟲樂園設有不同高度及難度的攀爬塔和繩網等 ▲光影荷花區域設有花型的高空灑水裝置 ▲屯門公園共融遊樂場設有各類型滑梯，適合不同身體狀況的兒童暢玩 ▲鞦韆區裝有兩組包括搖籃型鞦韆、座椅型鞦韆及親子型鞦韆的設施 屯門公園共融遊樂場 地址： 屯門屯門鄉事會路電話： 2451 1144 文字來源：香港人.遊香港／圖片來源：政府新聞網...
小編身為新界西人，係屯門市廣場都留低唔少腳毛，仲記得好耐之前係有個音樂噴泉係廣場中間！今個聖誕佢地竟然重現LED噴泉，真係令人好懷念！每日上演更以LED光影匯演，敘述屯門市廣場三十年來演變，點少得年年都見到既6米高聖誕樹，全場充斥聖誕氣氛！ ▲LED光影匯演由舞台多個LED屏幕合力送上，短短三分鐘，帶領觀眾時光倒流至70年代，見證屯門由一個農村變成新市鎮。屯門市廣場1988年的建成，為屯門區市民帶來了一片新景像，成為新界西北區最大型的購物商場 ▲舞台由6米高、13米闊的巨型LED作背景，圓形舞台更是全場亮點，設有由LED屏幕組成的五層升降台，配合影像升高降低，營造大舞台效果，媲美紅館的大型演唱會裝置。 ▲舞台旁邊更設有一棵6米高的巨型聖誕樹，讓顧客盡情打卡！ ▲商場特別邀請國際知名的本地電影製作人黃宏達創作全港首個室內LED光影匯演，將荷里活電影常用的科技Ｍotion Capture，同時更邀請星級排舞師Sunny Chan編排由七十年代至現今的舞蹈! 光影聖誕嘉年華 日期:2018年11月19日至2019年1月1日時間:上午 10 時至晚上 10 時地址:新界屯門屯順街1 號屯門市廣場1樓中央廣場 文字來源：香港人.遊香港／圖片來源：香港人.遊香港...
屯門井財街一向美食雲集，呢間開左唔夠一年的甜品店已經突圍而出。主打梳乎里pancake、窩夫等甜品，芝士奶蓋亦見出色。「Oreo 巧克力流心Cheese cake梳乎里」邪惡滿分，王牌「珍珠奶茶窩夫」珍珠夠煙韌，餅底由奶茶整成，d奶茶味出晒黎。鹹蛋控更可以試下新品「黃金鹹蛋麻糬窩夫」，仲有好多款創新梳乎里和窩夫等住你去試。其中一位負責人更是台灣人，想食台灣夜市小食（手抓餅、鹽酥雞、宜蘭三星蔥餡餅等等)，全部一次過可以o係度搵到晒！ ▲「Oreo 巧克力流心Cheese cake梳乎里」 鬆軟的梳乎里配上表層的芝士cream和Oreo朱古力碎碎，諗起都流口水 ▲新品「黃金鹹蛋麻糬窩夫」，店主非常用心咁將成個窩夫餅底都由麻糬整成，非常煙韌，鹹蛋味亦十分香 ▲奶蓋、水果茶等亦不失特色，有顏值又有實力！ ▲ 台灣小食款式多多，鹽酥雞都值得一試 ▲ 小店地方不算大，但勝在環境光猛舒適，行小清新之風，打卡一流！ Appétit Desserts 愛·添 地址：新墟井財街15號金銘大廈地下3號鋪電話：3460 4203時間：星期一至五4:30pm-1:00am / 星期六日及公眾假期 3:00pm-2:00am 文字來源：香港人.遊香港／圖片來源：@appetitedessert...
今個萬聖節屯門呢個商場將設置「VR鬼叫樂園」！樂園中央矗立一間「VR恐怖大屋」，設置8間驚嚇房間，等緊大家挑戰驚慄度爆燈嘅PlayStation®VR (PS VR)遊戲！玩家將利用頭戴式虛擬實景裝置PS VR，獨自探索恐怖國度，，透過一系列VR遊戲及4D感官元素令你更代入情境，提升刺激感，實行將驚嚇指數Up Up Up！！ 😱😱😱 ▲萬聖節鬼屋終於返嚟屯門市廣場喇 ▲透過一系列VR遊戲及4D感官元素令你更代入情境，提升刺激感 ▲玩家將利用頭戴式虛擬實景裝置PS-VR ▲自認膽生毛嘅你，一於成為我哋PS-VR敢死隊嘅一員啦 「VR鬼叫」樂園 日期：2018年10月19日至31日時間：12:00 – 21:30地點：屯門市廣場1樓中央廣場 文字來源：香港人.遊香港／圖片來源：屯門市廣場...
唉! 成日都落雨，真係令人沮喪，想要藍天白雲登上山拍靚風景，點知仲離双颱風添。唯有揾條安全又有特色嘅山徑行吓先，今次為大家介紹行山新手路線－屯門徑七彩欄杆！ 正在上網睇緊天氣預報，突然網上睇倒一條~七彩欄杆，五颜六色的確有趣，决定出走一趟。首先坐港鐵住屯門站落車，C3出口，沿杯渡路一直走，好快就到達麥理浩徑10段入口，首先經過數間村屋，呢度幾户都有養咗幾隻狗，小編每次行過都受到佢哋熱烈”歡迎”，不過佢哋唔會咬人，唔洗驚呢! 呢段路大部份都係石級，小啲腳骨力都唔得，上到分岔口轉左，接上屯門徑1段，沿途有幾座涼亭可以休息抖吓， 好快就見倒呢度嘅地標~七彩欄杆，平時路邊啲欄杆大部份都係灰色，七彩真係第一次見，的確好靚，好有特色，全長大約200米，打完卡之後一直行經過虎地，再一路落山，好快就到達藍地灌溉水塘，風景好靚，從水壩頂望落去，流水一條條流落壩底，每條流水旁邊仲長出翠綠苔蘚，好似一條條絲帶，好靚啊，小編都忍唔住走到水壩較下方，揾個靓位打打卡先。打完卡後沿水塘旁邊山徑繼續行，呢段山徑平緩易行，一路行一路可以欣賞旁邊大小山澗，其中一個較大嘅水潭名叫~行者池，呢個水潭大約有20米長濶， 流水淙淙，仲有一個細小瀑布添，其實呢條山澗都有名堂，名為~虎地坑，上游為九逕山脈中一個水源，下游正是藍地灌溉水塘。由於之前早幾日都落過大雨，所以虎地坑各處都河水滔滔，流水非常湍急，離開澗道轉入屯門徑2段，經過一大段落山路之後返回屯門站，完成今次旅程。 郊遊後感: 郊遊，對我們兩夫妻來說，除了是有益身心的活動，更是讓心靈重新上電的治療。如果為了城市開發，今天犧牲一少片郊野、明天犧牲一少片郊野，最後這些可愛的大然自，就會變成一塊塊無情的石屎，多可惜！希望愛山野的人，都可以身體力行，保護郊野公園，免受不可逆轉的破壞！ ▲屯門港鐵站C3出口經杯渡路進入麥理浩徑10段起步 ▲由於早幾日都落過大雨所以山徑兩旁植物都沾滿水珠 ▲走上數段石級之後卒之到達七彩欄杆 ▲七彩欄杆全長約200米顏色鮮豔繽紛耀眼 ▲山徑旁植物紫薇 ▲經過幾個涼亭之後沿山徑落山到達虎地 ▲藍地灌溉水塘 ▲水壩正排水中流水ㄧ條條緩緩而下. ▲藍地灌溉水塘水平如鏡-水面鋪滿一層薄薄的水澡 ▲流水中間水壩都長滿了苔蘚形成一行行美麗的構圖 ▲好多行山人仕經過九逕山都慕名而來參觀一下藍地灌溉水塘的美貌. ▲地上菌類植物名叫蕈菌 ▲行者池直徑約20米 ▲由於早幾天連場大雨虎地坑水流湍急波濤洶湧. ▲行者池旁邊的小瀑布 ▲在虎地坑旁邊發現側邊猿猴石 ▲大花老鴉嘴_台灣人叫大鄧伯花. ▲屯門徑2段途中 ▲朝向屯門站方向緩緩落山 藍地灌溉水塘 路線: 屯門港鐵站>麥理浩徑10段>屯門徑1段>七彩欄杆>藍地灌溉水塘>行者池>虎地坑>屯門徑2段>屯門港鐵站全程8.7公里 需時3.5小時路線詳情：https://bit.ly/2OvFeqg...
