中上環呢間越南fusion菜，裝潢華麗兼玩味十足，一入門口就見到惡搞蒙羅麗莎賣越南粉？招牌菜「特強回魂粉（法式火車頭金邊粉）」大玩宮廷風，宮廷大碗裡面有安格斯牛肉、牛坑腩、牛筋丸、虎蝦等材料配金邊粉，夠3-4個人食！其他fusion菜仲有三色扎肉紙米卷(黑松露、帶子、鵝肝)、越式波士頓雙龍蝦尾法包等都好有特色！當然更唔少得越南菜既經典小食例如炸春卷、炸蝦餅、牛油蒜香雞翼啦！有越南菜又有西餐，仲有紅酒白酒添，真係可以飲飽食醉了今餐！ ▲餐廳設計大玩二次創作，店內有多張惡搞名畫的作品「連耶穌都愛越南粉？」 ▲特強回魂粉（法式火車頭金邊粉）係老闆o係美國讀書時見到飲醉的人，宿醉後鐘意食清淡的越南粉解酒而得名。 ▲火車頭裡面用料豐富，有安格斯牛、牛坑腩、牛筋丸、牛柏葉和越南虎蝦，配以大量金邊粉，足夠3-4人食 ▲三色扎肉紙米卷係黑松露、帶子、鵝肝，夠鮮味！ ▲除左fashion菜亦有西餐，巨型斧頭扒真係有手臂咁長！ 宿宿醉 地址：中環閣麟街37號祥興商業大廈6樓電話：3427 3718營業時間星期一至六：12:00-22:00(星期日休息) 文字來源：香港人.遊香港／圖片來源：香港人遊香港、@2fattrolls、@jkcheung00、@xxxxx.Mr_Mario.xxxxx...