呢間旺角傳統餅店係第二代接手，除左有傳統麵包、紙包蛋糕之外，太子爺近年開設副線Happy Roller主售忌廉卷蛋同戚風蛋糕，提供網上預訂。忌廉卷蛋行高端路線，用料採用日本麵粉、法國淡奶油、稀少糖，短短一年就成為IG大熱打卡之選，鬆軟濕潤蛋糕卷包住超多細滑忌廉，次次出爐都好快賣哂！而且仲有芋泥、抹茶、芝麻花生麻糬等口味，隻隻口味都超吸引！ ▲芝麻花生麻糬 （$138）花生控同煙韌控必選呢個口味！中間忌廉富有香濃花生味，夾雜花生碎，而外層芝麻蛋糕又濕潤又鬆軟。煙韌麻糬夾心仲做到拉絲效果！ ▲鐵觀音生乳卷蛋 （$108）鐵觀音茶香突出，卷蛋使用稀少糖，唔會好甜！ ▲芋泥卷 ($98) 芋泥卷 蛋糕卷係以原味蛋糕，蛋香濃，忌廉包住爆多厚實芋泥。 ▲ 流心抹茶口味蛋糕（$128）濕潤，用上日本京都丸久小山園出品嘅青嵐抹茶粉。 ▲抹茶芝麻忌廉卷蛋，香濃芝麻忌廉及抹茶忌廉兩個口味細緻柔滑！ 文字來源：香港人遊香港 / 圖片來源：@choisumlife、@tototoooby、@wingg_yee_、@hiheidifoodie、@foodallthewayy...
相信唔少人都係抹茶控，去到甜品店都一定要叫抹茶味嘅甜品。如果你都係抹茶控，咁你去台灣嘅時候就唔可以唔去呢間甜品店。近嚟佢推出咗一款新口味卷蛋，入面包住三種味嘅忌廉：原味、士多啤梨味同抹茶味。特別嘅係，佢將原味同抹茶味忌廉整成富士山嘅形狀，而士多啤梨味就整成好似櫻花飄落咁嘅畫面，非常浪漫！除此之外，佢仲有另一款榴槤忌廉卷蛋，入面包咗忌廉同埋泰國金枕頭榴槤嘅榴槤肉，味道非常濃郁。 ▲抹莓富士山(NT$450)，士多啤梨忌廉酸酸甜甜，同抹茶忌廉好夾，而且食落完全唔膩，一個人食哂成條卷蛋都得。 ▲唔只好食，外形仲咁可愛，唔影返張相打卡點得？ ▲抹茶榴槤生乳捲，原價NT$580，而家優惠賣NT$499，香濃嘅榴槤肉加埋軟滑忌廉，榴槤控點忍？ ▲抹茶榴槤生乳捲嘅製作過程，睇得出非常足料。 ▲除咗卷蛋之外，仲有紫薯霜淇淋(NT$100)同埋紫薯Q派對(NT$120)，前者香味濃郁，後者用栗米餅包住珍珠粉圓、糯米白玉同埋紫薯雪糕，煙韌有咬口，都係非常之正！ Kinber金帛手製 地址：台中市西區精誠五街14號營業時間：星期一至五12:00-20:00；週六11:00-19:30；週日12:45-19:30電話：04-2327-4780 文字來源：香港人遊香港/ 圖片來源：@kimbo_icecream...
呢間IG Shop嘅自家製蛋糕係由一位90后香港Food Blogger經營，近排仲成功開咗一間實體店，蛋糕主打戚風卷蛋款，口味種類非常多，每件蛋糕強調係低糖少油，店主仲會親自飛台灣日本等等地方尋找獨特嘅味道，為大家帶來驚喜。 ▲蝶豆花草莓生乳口味卷蛋，內餡係士多啤梨味 ▲三重濃小山圓抹茶卷蛋，抹茶味濃郁，蛋糕表面係用奶醬取代忌廉 ▲玫瑰蕨餅饀生乳酪蛋糕 ▲香濃朱古力花生醬捲蛋和濃芝麻捲蛋，味道濃郁，滿足感十足。呢間店係反送中運動有曾有罷工方式聲援香港 JenJen Bakerylove 地址：香港九龍灣宏開道15號九龍灣工業中心6樓10室 營業時間：13:00 -2:00 / 17:30 – 19:30 官方Instagram按此 文字來源：香港人.遊香港／圖片來源：@estherp1123、travelxfoodaholic、jenjen.bakerylove...
