自從2009年台灣捷運開通左文湖線，內湖區開始為遊客熟悉，近年內湖區更開左好多特色cafe，成為新的打卡熱點。今次就為大家介紹幾間最新網紅特色既cafe。 第一站：「棧 F.M.L Cafe 花樣拿鐵」 要數到內湖區最夢幻最呃like既Cafe一定非呢間莫屬！超夢幻大片雲朵天空夠浮誇，店內裝修到好似童話既花園咁，加上店內利用大片落地玻璃採自然光，打卡照相就靚到絕了！除左環境，食物一樣吸晴又有水準，PIZZA、星空蛋糕、各款特飲都值得一試！ ▲ 一行入cafe就見到頭頂一大片淡粉色既雲，超夢幻 ▲除左環境，食物賣相都一流 ▲餐廳會不時更換餐牌設計新菜單，星空蛋糕算係招牌甜品 ▲特色飲品選擇好多，呢杯「星際冰沙」其實係黑芝麻香蕉冰沙 「棧F.M.L Café花樣拿鐵」 地址：台北市北安路780號3樓 （捷運劍南站2號出口）電話：02-7718-8386時間：星期日至四11:00~21:30 / 星期五、六及公眾假期前一日11:00~22:00 第二站：「不想上班 只好喝拿鐵」 內湖區本身係個商業區，呢間Cafe店名完全就講中晒上班族既心聲！鋪頭唔大只有十幾個座位，主要賣咖啡，亦有輕食，連鬆餅都印上「錢不夠用」「不想上班」，玩味十足！返工忙裡偷閒去呢間cafe歎番杯咖啡，強烈表達「不想上班」，都算係一種減壓方法？如果小編我公司附近有一間，一定會日日買番杯！...