小店位於中環蘇豪區，餐廳環境都非常闊落，以六七十年代香港作藍本，綠白階磚、懷舊霓虹燈、舊吊扇、鳥籠等擺設。呢度主打各式手工啤酒，大部分菜式將糅合中西元素，例如鬼佬油條、飛天爬樹走地雞、伊比利亞叉燒飯、酸辣汁豆腐等等，食物新派得嚟又幾有特色。 ▲飛天爬樹走地雞，利用牛肝菌慢煮新鮮走地爬樹雞，配好滋補炆鹿肋及陳村粉，再用鐵板上，保持食物最佳溫度。 ▲濃厚花生豆腐配花生芽菜，豆腐仲印上何蘭正招牌，搭配一旁的皮蛋酸辣汁非常惹味開胃！ ▲24小時慢煮伊比利亞叉燒，配上香噴噴豬油，超級正。 ▲西班牙油炸鬼配咸蛋黃吉士醬及香蕉朱古力忌廉，西班牙油炸鬼炸得很不錯，食落帶點脆口，外酥內軟，可以搭配自家製的咸蛋黃吉士醬。 ▲最後又點少得試埋杯本地手工啤~ 文字來源：香港人遊香港/圖片來源：IG@何蘭正...
