九龍塘

位於浸會大學嘅精品咖啡店，除咗提供高質咖啡，亦提供多款主食，食物品質一直都獲學生好評！因應最近疫情，餐廳推出外賣套餐服務。外賣套餐份量充足，足以應付4至6人。當中嘅「食肉獸家庭餐」更加可以食到餐廳招牌菜「威靈頓牛肉卷」，牛肉生熟啱啱好，食落嫩滑又Juicy！廚師為咗畀大家食到原汁原味嘅「威靈頓牛肉卷」，外賣更會原條送上！而餐廳亦推出素食餐，當中嘅日式炸牛油果口感軟滑，好似食緊流心芝士一樣！ 大家如果想食，要早兩日預訂，可選擇自取或送到目的地收貨，目前九龍區同新界東都免運費， 港島區同新界西（屯門、元朗、天水圍、上水、荃灣、青衣）就需要另加$60運費。 ▲外賣套餐有3款，分別是常餐、食肉獸家庭餐和素食家庭餐。 ▲夜市到會Menu($580-1188)：主要提供4-6人套餐，每樣菜式都係餐廳人氣食品！ ▲ 全素Tiramisu (外賣價$80/18OZ)：以豆腐製成，再配上店內Brew Note咖啡豆，又香又滑，最緊要係唔會肥！ ▲ 咖哩牛油果旬之野菜飯 ($59)： 牛油果好熟好creamy，炸得香口唔油膩，就算唔點咖哩都夠好食！ 文字來源：香港人遊香港 / 圖片來源：@paperncoffee.cuhk.bu、@hkfood.avegcando 、@ericakaart 、@blacnkhole_mini...