如果問咩係香港文化嘅話,好多人即時諗到嘅都係魚蛋、燒賣同碗仔翅之類嘅街頭小食,無論係放工、放學或者放假行街,都有好多人會去戳返串魚蛋嚟食,港味十足。呢間位於深水埗嘅小食店就非常之抵食,佢嘅招牌混醬三寶有腸粉3條、燒賣同魚蛋各5粒,夾埋都只係16蚊。另外仲有好多唔同款小食如碗仔翅、牛肉球、腩肉、雞腎同埋雞翼尖等等。如果比較肚餓嘅話,佢都有提供三餸麵,埋單都不過係30蚊起跳,平過好多車仔麵店。 ▲混醬三寶($16),有腸粉3條、燒賣同魚蛋各5粒,非常抵食。 ▲牛肉球($4/個)、滷水蛋($5/隻)、雞腎($10/份),呢間小食店都有好多滷水小食,鍾意滷水嘢嘅朋友絕對要試下! ▲碗仔翅($13/碗),港式街頭小食除咗魚蛋燒賣之外,又點少得碗仔翅? ▲雞脾($15/隻),咁大隻滷水雞脾都係$15隻,真係睇見都流口水。 ▲呢間小食店非常貼地,唔只食物貼地,老細亦都非常關心社會。 混醬坊 地址:深水埗長沙灣道84號地下B舖電話:9605 9712營業時間:星期一至日 14:00 – 01:00 文字來源:香港人遊香港/圖片來源:@mixup.hk、nakadamakoto、klshome...