近日元朗開了一間新Cafe！位於富達廣場的Brava Java Coffee，與一般文青Cafe不同，以一身藍白花瓷磚的裝潢示人，而且連店內的餐具都是選用藍白花瓷器！店內開揚，亦有室外位置，是一個打卡一流的好地方，隨意影都可以成為一張個人名信片。店內除了精緻的裝潢外，食物亦不遜人，店家的全日早餐除了配料豐富外，更可選擇以Bagel作為主食，而且Bagel內有Cream Cheese，食落不會過於單調。
元朗呢間台式粉麵店，開業多年得到唔少街坊支持，鹽酥雞同其他小食都係即叫即炸，做到依家最近有傳出結業既消息，不過幾日前有好消息！店主話兩位年青有衝勁的舊同事接手，會繼續會落去，元朗街坊唔駛擔心冇得食鹽酥雞喇，希望呢d小店唔好消失得咁快！ ▲台灣鹽酥雞($27):佢地選用雞肉咬落落去唔算油膩，肉質嫩滑而且香脆可口。 ▲鹽酥雞肉燥飯，口味唔似傳統台式肉燥飯，偏偏有好多小朋友、街坊鐘意食，肉燥非常足料，加埋肉鬆同芽菜送飯一流！ ▲雜錦拼盆 ($40):有齊鹽酥雞、魚蛋、豆角、蕃薯條、芝士腸，乜都有d！件件即叫即整香脆無比！ ▲香芋珍珠($25):有濃濃嘅香芋味 台灣太陽與海珍珠紅茶坊 地址： 元朗炮仗坊14號d營業時間： 11:00–22:00電話： 2478 4579 文字來源: 香港人.遊香港/ 圖片來源:@happycouplehappyfood、@sillywest_、@carcar_au...
元朗呢間小店主打台灣牛肉麵，招牌菜「紅燒牛肉麵」 有牛腱同牛肚，牛腱勁厚但炆得夠軟腍，牛肚夠爽夠入味！最特別係牛肉湯用個壺分開上，用左牛骨、蘋果、中藥材等長時間熬成，鮮甜夠味，建議可以齋飲幾啖牛湯享受下個鮮味，飲完唔會口渴證明唔係加味精夾硬提味，然後再倒入混合手工麵一齊食，咁就乾濕兩食都可以試埋啦！除左牛肉麵小店仲有花枝丸、台灣香腸、肉燥青菜等小食，一樣有台灣風味。 ▲紅燒牛肉麵 ($68) 牛腱有2-3cm厚，牛肚爽口，非常入味 ▲牛湯分開用壺上，唔算好濃稠但就好香牛骨味，建議先飲番兩啖歎下 ▲小食只有十個位左右，但牛肉麵出色，日日都好多人排隊，要食就要比少少耐性啦 二悅 Moon Moon 地址：元朗合益路9-15號地下G號電話：91433347時間：星期二、三、五至日12:00 – 15:00 / 18:00 – 21:00，星期四12:00-15:00，逢星期一休息 文字來源：香港人.遊香港／圖片來源：@cfionc、＠kadyfung、＠moonmooninhk...
呢間糕點店曾經係大橋街市的名物，後來做紅左搬左去後面街入地舖！最多人大讚煙韌花生糯米糍，炒花生、糯米皮麵係人手手工製作，呢d就係傳統懷舊小食難能可貴之處，除左糯米糍，呢度仲有茶果、砵仔糕等選擇！ ▲糯米糍（＄24/6粒）皮薄可口糯米皮，配合滿到爆餡花生，口感豐富。 ▲糯米糍個皮好薄，花生炒到微焦勁香！ ▲茶果同砵仔糕(＄20/5個) ▲好多糯米糍都係整定一盒盒係度，佢就係即叫即整，只見店員左右碌兩下，再將乒乓波咁大嘅饀放入去。 驊記糕點屋 地址元朗元朗安寧路20-24號利群樓地下營業時間：10:00 – 19:00 文字來源：香港人.遊香港／圖片來源：@janechunok、@ananannaoj、@dw_dwww、@kathygumying...
😍$300起12件手握壽司 元朗呢間日式料理店，主打銀座式Omakase，去得品嘗Omakase，當然師傅手勢同環境服務都係重點啦，呢道嘅師傅大部份都有超過10年經驗，手藝正宗！師傅會以獨特的刀工切法，令刺身口感更豐富，個個食過都讚正！食物方面都好有質素，海鮮全部都由日本每日直送到港，拍得住高級壽司店，佢哋亦有午餐供應，大約$300起就食到12件手握壽司，性價比超高！ ▲位於元朗這間食Omakase的店舖，海鮮全部都由日本每日直送到港 ▲天然野生既呑拿魚腩，油份重，魚味濃郁，相信係每一個食客既最愛。 ▲師傅平均擁有超過十八年或以上的日式料理店經驗。 ▲關鯖魚壽司油份比起普通鯖魚高，初秋更是關鯖魚特別肥美的時候。 壽司源 地址：元朗青山公路1號珍珠樓地下10號舖時間：12:00 – 15:00，18:30 – 22:30電話：2886 0811 文字來源：香港人.遊香港／圖片來源：壽司源...
呢度上年先開，裝修陳設似足舊式扒房，不過同區舊式扒房坐得好逼，呢度就挺寬敞。塊西冷牛扒肉質鮮嫩，塊牛扒仲大過塊臉，厚度足足有成寸，目測份量估計足12安士！！鐵板上既牛扒表面先煎焦糖色，煎得非常漂亮！ ▲寶石鐵板美國西冷$138 食落嫩腍牛扒調味足夠，小編推薦黃金組合五成熟配黑椒汁！黑椒汁以洋葱碎、蒜茸同黑椒，香氣十足。 ▲怕黑椒汁太辣，洋葱蒜茸汁都係個唔錯選擇！ ▲寶石鐵板紐西蘭牛柳拼扇貝，以煎過車厘茄同薯條做配菜可見誠意十足。淋上濃濃黑椒汁後，香氣四溢！ ▲如果想控制返d醬汁份量，可以自己落醬汁，唔怕彈到成身都係！ ▲白汁海鮮焗意粉$68 焗意粉都係大大碟！意粉與忌廉汁配搭恰當，提升其美味。 ▲鐵板餐唔跟沙律可以揀蒜蓉炒雜菜！ 寶石餐廳 地址：元朗安樂路1-11號明珠樓地下7-9號舖電話：27713600營業時間：11:00 – 23:00 文字來源：香港人.遊香港／圖片來源：@tiffood_61、ravankc、yukikei_mini、lm.mino、diamondrestaurant2017...
元朗呢間小店主打台灣特色小吃，兩位老闆特別到宜蘭老字號羅東肉焿學習秘方，共以特許經營方式於香港開店。肉焿係台灣特色小吃，用新鮮豬肉製作，再蘸上薯粉魚漿以高湯煮成焿，口味夠地道，另外滷肉飯都好多朋友推介，半肥瘦豬肉帶住少少油香，配白飯一流！ ▲半肥瘦三層肉帶脂肪油香，配上三星葱製成的油葱酥，非常香口 ▲肉焿質地濃稠，充滿油香 ▲兩位老闆得到宜蘭五十年老字號羅東肉焿傳授秘方，以特許經營方式在元朗開店。 ▲菜式選擇簡單，一紙餐牌，肉焿、乾拌麵、滷肉飯、雙丸湯等。 羅東肉焿番 地址：元朗鳳翔路69號建輝大廈地下5號鋪電話︰6482 3476時間︰12:00 – 16:00，17:00 – 20:00 文字來源：香港人.遊香港／圖片來源：Momus Wang、Fish Gao、黃家瑜...
近排一打開FB、IG，就不停見到唔同茶飲店嘅打卡！呢間元朗嘅人氣店就主打奶蓋，除咗有一般嘅海鹽芝士奶蓋之外，仲好創新咁推出咗用果肉打成嘅奶蓋！其中包括菠蘿、芒果等等，新鮮果肉酸酸甜甜嘅味道，同略略帶鹹香嘅芝士奶蓋好夾🤤！最好仲出咗 #限量供應 嘅榴槤芝士四季春，將榴槤打入芝士奶蓋到，味道好濃郁！ ▲Oreo芝士奶蓋撞香醇紅茶都幾唔錯，剩係個外觀都非常吸引 ▲芝士巨峰雪沙完美展示出巨峰提子的天然顏色，口感清爽 ▲芝士菠蘿雪沙採用新鮮菠蘿打出綿綿雪沙，酸甜適中，加上海鹽濃芝士 ▲榴槤季節當然唔少得榴槤奶蓋，上等榴槤打入芝士入面，肉厚味甜，飲到芝士又食到榴槤肉 夏茶 HaCha 地址：元朗康樂路8號康樂廣場地下3號舖電話：2803 0887時間：11:00 – 20:00 文字來源：香港人.遊香港／圖片來源：夏茶 HaCha...
心機小店！ 元朗呢間新開張嘅拉麵店由兩位小情侶打理，製作非常認真，每次熬湯底都會隔渣三次，令拉麵湯底更滑身，豚骨湯更係每日經過九小時熬製而成！兩人都係拉麵擁躉，會一齊研究新口味好似黑蒜油湯底等等，好Sweet！而除咗拉麵外，小食都係高質之作，煎餃子煎得非常香脆，一個唔覺意就食咗兩碟！ ▲白隠濃厚豚骨湯係老闆堅持每日用60公斤豬骨，熬製9個鐘而成，鮮味十足 ▲限定隠自家製濃厚醬油豚骨湯底，重口味既朋友必試！ ▲唔夠喉嘅朋友可以追加小食 ▲黑隠黑蒜油豚骨湯蒜香撲鼻，加上自家製叉燒入口即融，簡直一試愛上！ 麵屋．隠 地址：元朗裕榮徑11號好旺洋樓地下5號舖電話：6106 5088時間：12:00 – 23:00 文字來源：香港人.遊香港／圖片來源：麵屋．隠...
鮮甜湯底好飲又好食😋 平時食車仔麵，多數都係豬骨湯，用鱷魚湯做車仔麵你又食過未？元朗呢間剛剛開業嘅車仔麵店，就係以罕見嘅泰式鱷魚湯湯底來做車仔麵，湯底用上大量鱷魚骨及鱷魚乾，夠足料！鱷魚湯鮮甜順喉，飲落滋潤，仲有豐富蛋白質同骨膠原，愛靚女生必試試😊 ▲元朗這間剛開業的車仔麵店，以坊間罕見的泰式湯底來做車仔麵 ▲湯底鮮甜好飲又好食，仲可以配埋車仔麵 ▲鱷魚肉補氣血、養心肺，亦可以舒緩呼吸道毛病 ▲鱷魚湯含有豐富蛋白質及多種維生素，仲有女士們最鍾意嘅骨膠原 篤篤車 地點：元朗馬田路22號安寧大廈地下6號舖電話：2336 3386時間：12:00 – 21:00 文字來源：香港人.遊香港／圖片來源：篤篤車...