呢間位於炮台山地鐵站附近既糖水小店，位置唔起眼，而且店舖面積不大只可放到幾張桌子，所以最近都主打外賣。糖水小店主打黑芝麻湯圓，所有湯圓都係即日新鮮製作，湯圓皮薄餡靚富糯米香，內餡流心黑芝麻餡亦非常濃郁口感滑順，除左黑芝麻湯圓之外，花生湯圓亦極受花生控歡迎，兩種湯圓配搭中式糖水好似杏仁糊、核桃糊等，別具風味！
▲每碗有五粒湯圓，店內主打有芝麻湯圓及花生湯圓，想食哂兩款口味可以order 鴛鴦湯圓（$25），薑味糖水薑味唔會太搶太辣。
▲花生湯圓（$26）花生餡流心餡有花生碎夾雜椰絲，甜中帶脆。
▲芝麻湯圓（$26） 湯圓外皮又煙韌又薄，輕輕咬開流心芝麻餡澎湃爆出黎，芝麻餡的確非常紮實飽滿，滑順口感
▲棗香合桃露+湯圓（$35） 合桃露質感細滑，香氣飄飄，同芝麻湯圓配合得相益得彰。
▲芝麻糊+湯圓（$32）芝麻控一定要食雙重芝麻享受，芝麻糊既芝麻同樣炒得超香，加埋煙韌皮包住芝麻湯圓！
福元湯圓
地址：北角炮台山福元街7號利都樓地下I-1舖
電話：31060129
營業時間：16:00 – 00:30
文字來源：香港人遊香港 / 圖片來源：@natyuen19、@leicasimon、@eelijuan、@ancienttrain8