TVB藝人林秀怡憑《不懂撒嬌的女人》演出，網絡上獲得好評，不過就因為曾發表政見被公司雪藏。不過就令林秀怡更專注餐廳既發展。呢間意粉小店其實開左都一段時間，餐廳走日系無印feel樸實路線。其中大部分食材由日本直送﹐特別使用日產麵粉及雞蛋，主打用心手製意粉及薄餅，真係條條意粉都係用心搓製，係心血之作，因此獲得唔少同路人青睞！
▲ 忌廉汁自家製醃肉及日本生雞蛋配手製闊麵($91)：手製闊麵外貌相當吸睛！自家手製闊麵由搓粉、壓皮到烹煮都係全人手製作，質地較厚身，好有煙韌口感。
▲ 忌廉汁自家製醃肉及日本生雞蛋配手製闊麵($91)：手製闊麵本身蛋香濃郁，再掛上忌廉汁、加上醃肉做點綴，食落香口；而面頭既雞蛋級數採用自日本可生食用，拌勻一齊食更順滑。
▲ 蕃茄汁鳳尾虎蝦菠菜配手製闊麵（$95）蕃茄汁口感開胃口偏酸，爽口彈牙虎蝦都算大假，加埋菠菜一齊食口感更輕盈！
▲ 菠菜葉、車打芝士及太陽蛋（$99） 較清淡既pizza款式，pizza底同樣係自家製作麵團而成，Toppings有清新菠菜中和車打芝士既咸膩感。
▲ 芝士烤焗雞塊（$40/4塊）表面烤焗至金黃色，但唔係煎唔係炸，入面肉汁Juicy！
▲ 焦糖脆脆蛋糕(＄40)表層忌廉奶香甚濃，忌廉入口細滑唔膩，而蛋糕鬆軟有空氣感！純白色表面睇落好似軟綿綿雪地咁，上面預先加上超多焦糖脆脆！
FooDo
地址：旺角通菜街1A-1L號威達商業大廈地下C號舖
電話：90166327
營業時間：12:00 – 22:00
文字來源：香港人遊香港 / 圖片來源：@pigoutqueen、@lyds_food、@ssophie.lovee、@bubuzbelly、@hyakuya.akira.1020