呢間飲品小店係榴槤控同台式飲品控都係大愛店鋪之一，店主創新地用榴槤做奶蓋，加入四季春呢d茶飲。身為榴槤控就一定要飲最濃烈既貓山王沙冰，每杯沙冰加入大量貓山王榴槤蓉，拌以鮮奶、蜜糖、榴槤粉打成沙冰，聽落都覺得吸引！除左主打榴槤之外，照料其它客人需要，小店餐牌以鮮果茶、沙冰為主，小店仲多次參加罷工罷市，不過最近真係少左人係街道飲野﹐又少左人返工同行街，小店最終宣布捱唔住，希望同行手足有心人頂手！我地呢d小市民雖然幫唔到d咩，都可以趁結業前多d去支持下！
▲羅漢果茶($20) : 羅漢果具有止咳化痰潤肺功效，滋潤乾涸。
▲榴槤奶蓋錫蘭紅茶 : 將榴槤奶蓋代替奶蓋加入茶飲
▲貓山王沙冰 : 榴槤愛好者必點！沙冰加入貓山王果肉攪拌成，香濃榴槤味道甘甜嫩滑！
▲小店又推出左同杉原家飯糰，口味超過10款，店主將推介口味放左出黎：炸大蝦沙律、味噌醬茄子、辛口明太子、醬油昆布
▲好多人一杯飲品配一個飯團就係一個早餐。
▲榴槤煎堆：咬開有滿滿既榴槤果蓉內餡
▲關東煮以自家用昆布同鰹魚炮製 ，早餐時段就有得食！
▲店鋪自設連儂牆，多次罷工支持運動，但營運成本真係太高，好快支持涵住，希望有有心人會接手。
花果山
地址：旺角廣華街1號仁安大廈地下24A舖
營業時間：星期一至日12:00 – 22:30
文字來源：香港人遊香港／圖片來源：@supperaholic、@nick900618、@natyuen19、@moonmoonsin、@mount.fruity、@street_food_diary