有時諗唔到同另一半／朋友去邊度食生日飯，想比另一個半一個驚喜，希望搵到間環境唔錯，食物質素唔錯，有好好服務既餐廳，小編私心推介呢間！呢間係銅鑼灣海邊大廈，窗口位望到海景，呢度主要係食西餐，晚餐時段只提供DINNER SET，有3 Course ＄498 /5 Cources ＄598 / 7 Cources ＄728選擇，每一道菜都會等客人食完先上，而餐廳每個月都會不定期提供一啲生日優惠比客人，詳情要留意番佢地既Facebook。呢度最特別係每晚會一位甜品畫師幫生日客人畫公仔畫係甜品碟上面，無論咩公仔都畫到好靚好似！
▲是日餐湯: 西蘭花忌廉湯，飲落去好重西蘭花味，如果唔中意食西蘭花呢個湯應該唔會中意飲。
▲牛油梨伴精選沙律:梨好甜，沙律菜配埋梨汁點食好清新同鮮甜！
▲香煎鵝肝: 細細舊唔會話食到好流，有一片片糖桃片比客人解油。
▲三文魚牛油果他他:除左有三文魚同牛油果肉外，仲有三色豆撈埋一齊，然後送上水餅上面食，旁邊有香梨蓉醬點都幾特別！
▲慢煮美國牛柳: 叫5成岩岩好，肉質唔會太嫩同太老，有燒乾洋蔥作配菜。
▲慢煮澳洲羊架: 羊架煮到都偏淋身，有中東米墊底，而個羊架則以胡椒薄荷忌廉汁作肉汁，食落去個味都幾清新同特別！
▲另加甜品，生日優惠會叫甜品可以免費Upgrade有畫圖畫服務，客人可以提早Whatsapp同店員講定個甜品想畫咩公仔同寫咩祝福語比另一半／朋友一個驚喜，啲公仔畫得好靚嫁！
▲呢度環境細細地，光調偏暗，窗口位有夜景睇，都幾適合情侶黎慶祝節日嫁！
EL Dining
地址:銅鑼灣告士打道230號宇宙商業大廈9樓
營業時間:星期一至二、四至五12:00 – 14:30／18:00 – 22:00、星期六至日18:00 – 22:00
電話:28894018
文字來源／圖片來源：香港人.遊香港