又到左食各位蟹迷引頸企盼既大閘蟹時節，好多食店都將大閘蟹入饌，呢度身為傳統酒家都唔例外﹐實行推出大閘蟹全餐比各位蟹迷品嚐！由大集團入貨既大閘蟹食環署檢驗合格，絕對食得放心！食店入既都係肥美超多膏大閘蟹，只要集齊兩人已經成團，可以淺嚐大閘蟹全餐！呢個餐包括滿口流香既鮮味蟹粉小籠包、香甜生拆蟹粉蒜茸包，每人仲可以食到2隻大閘蟹！食完大閘蟹之後仲會有浸時蔬、酸辣肉燥烏冬同薑茶湯圓！
▲大閘蟹淺嚐 – 鮮味蟹粉小籠包（每位2隻）：蟹粉小籠包未食已經芬芳撲鼻，蟹粉既橙色油份顏色已經滲透左出黎！
▲大閘蟹淺嚐 – 鮮味蟹粉小籠包（每位2隻）：小籠包皮薄餡靚，濃郁既蟹粉添合絲絲蟹肉及蟹油香，咬果時要小心翼翼，因為d汁會好澎湃咁爆出黎！
▲大閘蟹淺嚐 – 生拆蟹肉菠菜羹：呢個菠菜羹係灣仔店限定，屬於Green Object 既湯羹中間有一簇簇白嫩蟹肉，飲落唔腥好順喉。
▲大閘蟹淺嚐 – 香甜生拆蟹粉蒜茸包：為左令生拆蟹粉保持熱度唔好帶腥，佢地上台都用小火爐加熱，將大閘蟹粉塗在香脆蒜茸包上，盛載入口。
▲大閘蟹淺嚐 -大閘蟹（每位2隻）：黎到主角大閘蟹！今次小編食用既都係比較早代既大閘蟹，size比平時既細少少，不過算係肥美多膏！
▲大閘蟹淺嚐 -大閘蟹（每位2隻）：正確既大閘蟹食法是先吃蟹腳、蟹爪、後吃蟹身，最後再食蟹膏！
▲大閘蟹淺嚐 -上湯浸時蔬：食完大閘蟹之後，食返d清淡野就岩岩好！
▲大閘蟹淺嚐 -酸辣肉燥烏冬，食完呢個超飽肚！
▲大閘蟹淺嚐 – 點少得甜品薑茶湯圓？薑茶係食完大閘蟹驅寒既好助手，食完的確幾暖胃！
▲大閘蟹淺嚐 （$428/位，兩位起）
▲人多既話，可以考慮食大閘蟹盛宴，會有更多既菜式，一定捧腹而歸！
「珍饌‧大閘蟹」
供應日期 ： 十月四日開始供應。（時令產品供應期有限，售完即止，請先致電查詢作預留）
供應分店 ：
海都酒家－金鐘添美道1號中信大廈5樓
東海酒家－鰂魚涌華蘭路25號栢克大廈2樓 2887 7112
東海薈－尖沙咀北京道1號11樓 2877 2938
東海薈•拉斐特－尖沙咀彌敦道100號The ONE L12 2698 0990
東海薈•拉斐特－銅鑼灣告士打道311號皇室堡15A樓 2827 9938
東海薈•拉斐特－青衣青敬路33號青衣城1樓117號舖 2317 8889
文字/圖片來源：香港人遊香港