香港仔快餐:【#真香港人小店!華富清泉港式快餐!肉嫩多汁雞髀大王!】- 麗絲快餐店

呢間老牌港式快餐1975年開業,一路都係走舊式快餐店風格,氣氛富人情味,由早餐、午市到下午茶,顧客都絡繹不絕。裝修擺設以橙、紅與白為主,牆上貼滿各款餐單,好多華富人都係由細食到大,即使搬離華富既中年人,都帶自己仔女weekend返黎呢度懷緬一番,可見自稱雞髀大王呢一間食店既實力。呢度雞髀入味,生炸即成色澤金黃,油光滿滿,啖啖肉嫩多汁,值得encore!

▲黑椒雞髀飯:黑椒毫不吝嗇,足夠送飯!大大隻既炸雞髀,咬開雞髀,即刻食到肉嫩多汁既雞肉,見到晶瑩剔透既雞油

▲生炸雞髀:食落充滿雞油甘香,肉厚而且油脂滿瀉

▲黑椒雞髀飯:雞髀油光潤澤,食落充滿雞油甘香,肉厚而且油脂滿瀉。做法幾十年都冇變,雞髀醃至入味,再用滾油炸副8成熟,客人order時才炸至全熟

▲咖哩牛腩飯:牛根腩炆得夠稔,咖哩係港式微辛口感,不過配料就似足日式咖哩,有齊紅蘿蔔、馬鈴薯、洋蔥,送飯一流!

▲呢間難得既香港仔清泉,多次參加最近社會運動既罷工罷市

麗絲快餐店

地址:香港島香港仔華富邨商場6樓17-18號舖
營業時間:2550 4914

文字來源:香港人遊香港 / 圖片來源:@kizmeqik、@stupid_stupid_00_0210、@desmondyellow、@archumom、@bartonlo