時代廣場新開左一間以韓國菜為主題既西餐廳，餐廳帶點小清新感覺，店內裝修簡單而清新，有不少乾花作裝飾。餐廳提供食物種類主以蛋包飯、意粉、韓式飯、韓式小食、甜品及韓式三文治為主，當中原味蛋包飯同韓式厚蛋三文治更係店內最有人氣既菜式，有唔少客人專登為左呢兩款菜式特登黎潮聖!突然間想食韓國菜又唔想淨係食韓式燒肉、炸雞、部隊鍋呢啲較為熱氣既食物，可以考慮試下食呢間西餐廳，主打以輕食為主既特式美食。
▲原味蛋包飯($88):蛋包飯同平時出街食到既蛋包飯有少少唔同，呢度既蛋包飯唔係用蛋皮包住啲飯，而係飯上面放上厚蛋餅。當一刀界開蛋餅時會有半熟蛋漿流出黎，好濃蛋香味同埋好滑。個飯係配咖哩汁，客人亦可配牛肉汁，成個飯充滿咖哩汁好惹味!
▲韓式厚蛋三文治($68):呢個厚蛋其實同日式玉子味道有d相似，厚蛋厚度大約有成1cm嫁! 呢個三文治塗上芥末沙律醬，從而令到個蛋香味更加香。
▲煙三文魚沙律($58):煙三文魚凱撒沙律絕對係開胃之選，煙三文魚卷成玫瑰花狀，令到賣相令啲! 沙律菜係用左傳統芝麻醬黎撈!
▲和牛漢堡三文治($78):塊和牛漢堡肉勁厚，同埋煎到舊肉唔會太乾。三文治再夾埋蛋餅同鮮蕃茄令到口感更加豐富。
▲黑蒜海鮮意粉($82):海鮮配料好豐富，有新鮮爽口大蝦、青口、硯肉同埋八爪魚粒，而意粉煮到岩岩好，唔會太林同太硬，意粉醬汁係蕃茄味。
BANCHAN and COOK
地址:銅鑼灣勿地臣街1號時代廣場9樓922-923號舖
文字來源：香港人.遊香港／圖片來源：@joys_ysl、@foodstalkers_hk