金鐘呢座百年歷史活化古蹟有間富文化、藝街集於一身既酒吧餐廳，最近推出左新Menu，加入意日既元素，Menu其中既手製意粉尤其出色，小編最推介佢地6項精tasting menu包括紅蝦他他配高湯啫喱、紫蘇意大利餃子配蔬菜清湯、A5和牛壽喜燒寬條麵配低溫慢煮意大利蛋黃、青檸雪葩、日式咖喱和牛配炸意大利飯、「生機盎然」 配白提啫喱，樣樣都非常精彩，猶如欣賞一組藝術品咁！
▲呢間酒吧餐廳極有藝術文化氣息，下午可以同朋友叫返杯cocktail chill下。
▲tasting menu－紅蝦他他配高湯啫喱：以西班牙紅蝦蝦頭、豆漿、昆布及鏗魚片製成咸香既意式奶凍。
▲tasting menu－黑松露卡邦尼意式餃子：餃子皮以巴馬臣芝士製作，口感香脆！
▲tasting menu－A5和牛壽喜燒寬條麵配低溫慢煮意大利蛋黃：手製意粉超好食！同時將日式壽喜燒醬汁融入意粉！
▲tasting menu－A5和牛壽喜燒寬條麵配低溫慢煮意大利蛋黃：加入呢個低溫慢煮意大利蛋黃係精華所在！醬汁掛上意大利粉！
▲tasting menu－青檸雪葩 ，呢個時間食杯冰凍順滑既雪葩，可以潔淨味蕾
▲tasting menu－日式咖喱和牛配炸意大利飯，有少少份子料理concept，咖喱汁淡然優雅。中間圓波波就係意大利米包裹著牛肉、水牛芝士既飯團！
▲tasting menu－「生機盎然」 配白提啫喱：concept 源自絕處從生既石牆縫隙中探頭小草！柔滑雲呢拿意式雪糕加上一層鬆脆朱古力碎營造泥土效果
▲蟹甲羅燒闊麵：蟹蓋盛載著蟹膏、蟹籽、鵪鶉蛋黃及松葉蟹蟹肉攪拌燒香，醬汁掛上意粉上。
▲黑松露卡邦尼意式餃子：自家包製意大利雲吞演繹日式餃子概念，餃子皮以巴馬臣芝士製作，口感香脆。
▲特色飲品Popping Red ＆ AMMO Garden，兩者感覺都勁fresh！
AMMO
地址：金鐘正義道9號亞洲協會香港中心低層
營業時間：中午12時至晚上10時 (星期日至四) ; 中午12時至晚上11時 (星期五、六及公眾假期)
文字／圖片來源：香港人.遊香港