灣仔美食:【灣仔標榜無味精新加坡餐廳!必食娘惹濃厚喇沙!】- Rempah Noodles

今次介紹呢間小店係一間正宗新加坡菜,主廚都係新加坡人,提供既食物款式好少,只有優質蝦麵、娘惹濃厚叻沙、干叻沙、金杯同Kaya Toast呢五款食物。職員在點餐前會介紹翻餐牌上嘅食物,可以幫客人諗揀食咩既問題。呢度啲食物都係標榜無添加味精,所以飲晒啲湯都唔會口乾。值得一提既係呢間小店提供免費添加麵條,岩晒「大胃王」既你地黎食!

▲Kaya Toast($38):多士係即叫即製既,烤到好脆,而咖央醬係斑蘭味。

優質蝦麵($98):呢個蝦面湯底係用虎蝦拆頭熬湯,好好飲。另外會再配上鮮紅椒同蒜炒香既辣調料比客人可以自行加上。

▲娘惹濃厚喇沙($98): 湯底好香好濃椰汁味,廚師用左三種材料製,分係係喇沙醬、椰漿及雞骨,所有餸同米粉都好味。

▲金杯($60):炸左個脆筒,入面裝了紅蘿蔔、沙葛、蝦肉及豆腐乾,蝦肉上面加左自家製辣椒醬同醋,食落去種口感係甜甜酸酸。

▲干喇沙($98):近幾年干喇沙麵係新加坡好流行,煮法係將調製左既喇沙醬倒入銀針粉上面,而喇沙醬好濃唔係稀既湯。配料有蝦、芽菜、雞絲及魚片,好豐富!

Rempah Noodles

地址:灣仔軒尼詩道18號地舖
營業時間: 星期一至五11:30-20:00 / 星期六 11:30-18:00
電話:36184863

文字來源:香港人.遊香港/圖片來源:@sourcherryx、@huikwokwai@ustfoodiecouple、@szecinailhk