中環Cafe:【中環慢煮Cafe主打慢煮料理!唔只得流心牛角包】- 享慢煮意

呢間cafe係一間超出名食流心牛角包的餐廳。但唔係淨係賣麵包、咖啡、飲料等,仲會提供各款法國菜式,有啲仲係會以慢煮方式製作食物,同埋以健康食材為主。係餐飲設計方面老闆娘落左好多心機去構思,有好多款都係獨家創作出黎,比其他cafe更有心思。另外仲會有時推出一啲期間限定特別口味既牛角包添。餐廳地方不算大,得幾張桌子,和開放式的廚房比客人望到廚房既環境。

▲雜莓芝味特飲: 呢本係一杯台式飲品黎,禍咸地既芝士奶蓋加酸酸甜甜雜莓飲品。

▲真空慢煮香草雞胸穀物意大利飯($118):穀物飯用左白藜麥+生熟薏米代替左平時西式餐廳啲意大利飯,較為健康啲。慢煮黑毛豬都會肉質相對上較嫩滑同埋個表面煎到好脆口。

黑松露流心蛋意粉($98): 意粉入晒味,醬汁勁香黑松露味,一切開個蛋好流心。

▲自家製流心龍蝦湯牛角包($48):呢個係店內招牌菜,牛角包口感好鬆脆,一切開個包就湧出味道好濃郁既龍蝦湯。

▲Tiramisu cheesy($44):呢款飲品係店家自創,以芝士奶蓋配搭自家即磨咖啡,客人仲可以加曲奇碎。

▲流心海鹽咖啡牛角包 ,一切開牛角包就會流啲咖啡同黑芝麻豆奶餡,豆奶餡出奇地好滑。

享慢煮意

地址:中環善慶街9號地舖
營業時間: 星期一至五11:00-22:00/星期六至日10:30-22:00
電話:27256000

文字來源:香港人.遊香港/圖片來源:@lazy.happy.life、@ilovefood1314、@hungrymancy