fbpx
香港人遊香港

深水埗火鍋:【淥下烚下!深水埗區中式情懷火鍋店好抵食!】- 六十六十火鍋

淥下烚下!深水埗區中式情懷火鍋店好抵食!

今日小編約左朋友去深水埗區打邊爐。呢間六十六十火鍋喺宇宙廣場隔黎好易搵,長沙灣港鐵站行十分鐘左右就到。「六十六十」呢個名字好明顯係「淥」下同「烚」下嘅廣東話諧音啦。小編向來介紹野食都鍾意欣賞老闆改鋪名嘅心機,食野最緊要愉悅同開心嘛。未食好野先食字,都唔錯吖。

▲平時出街食海鮮無阿媽傍著,最驚滾到過晒龍。呢間餐廳喺每檯當眼處張貼左唔同湯底嘅食法,同淥海鮮嘅次序同時間,好細心呀。

▲小編點左佢地招牌湯底「椰子文昌雞湯底」($248),店員仲教我地煮法添。水滾落雞等佢再滾起就熄火焗5-7分鐘先食。果然,雞肉充分吸收湯嘅精華之餘仲可以保持超滑口感。So Yummy!!!!

▲每款湯底可以自選8款海鮮,呢個叫做二人份量,真係相當抵食。小編特別欣賞海鮮夠生猛之餘,仲清潔得相當乾淨,令我食得好放心:P

▲大大隻鮑魚用眼球食都夠晒飽啦,嘻嘻!

▲套餐除左海鮮類之外仲可以選六種配料㗎。肉類選擇唔多,但「西班牙梅頭肉」係必試,入口即溶豬味濃。

▲最後一個私心推介,小編對食炸魚皮有多少心得,呢個炸魚皮係每日鮮製,目測都已經睇到佢沾粉均衡同用新鮮油炸,果然食落真係夠脆夠香!值得試下。

六十六十火鍋
地址:長沙灣青山道156-162號永基商業大廈地下A舖
電話:26563060/60726529 (Whatsapp 訂座)
營業時間:星期一至星期日 1800-0200

文字/圖片來源: 香港人.遊香港
————————————————————————

Follow us

合作查詢

歡迎與我們聯絡, 查詢合作