西環呢間餅店係1984年開店，有超過30年歷史！平時就為街坊街里製作懷舊港式麵包同糕品好似丹麥條、皮蛋酥咁。不過呢間小店不嬲都好撐香港人，每年中秋都會有唔同字句既月餅，好似係x你咩、打七你、心好累、係愛呀，分別有兩款口味：蛋黃白蓮蓉 及 蛋黃豆沙，就今年反送中引起社會既抗爭，呢間小店就整左「不撤不散」、「記你老母」月餅，好值得支持下！聽日就開始比大家預售喇！
▲繼上年推出粗口月餅大受歡迎之後，今年整多左撐香港人既字樣！
▲「記你老母」成為新潮語，點可以唔上榜
▲今年多左「自由西」呢個選擇，有得揀緊係揀佢啦！
▲不撤不散係多次遊行示威抗爭活動5大訴求之一，網民大表支持！
▲而呢間小店係有得訂做字樣既，好似西環group咁，佢地個以一set兩個賣$80， 扣除成本名義捐俾「反送中受傷被捕者人道支援基金」，不過小編未有詳情。
華爾登麵包餅店
地址：西環西營盤第二街120-126號仁福大廈地舖
電話：29152263
預訂開始日期：2019年7月9日
文字／圖來源：華爾登麵包餅店