大圍美食:【大圍CP值超高日本料理!日式咖哩便當+7吋長壽司!】- 豬屋日本料理

大圍都有間高質日本菜?呢間CP值超高既日式小店係大圍屋村裡面,星期五至日先會有加一收費。 呢間日式便當小店既餐牌啲食物名係老闆好用心咁諗出黎,每一個便當個名係由日本地方名組合而成,便當主要係日式咖哩飯再搭配另外三款餸,價錢由$60-$100不等。呢間除左食便當之外,仲有刺身飯,壽司,串燒,拉麵等比客人選擇,望住本餐牌都唔知叫咩好,實在太多款啦!

▲福岡便當($69): 便當裡面有吉列豬排、咖哩飯、炸餃子、炸魚餅、中華沙律。

熊本便當($71):便當裡面有芝麻雞翼、香炸拉芝士、加洲卷、中華沙律、咖哩飯。

▲醬燒三文魚壽司($18兩件): 燒完之後啲三文魚魚油出晒黎,加上沙律醬好食!

▲7吋三文魚壽司、玉子壽司($15 一件): 片魚生真係好長又厚,十幾蚊一件好抵食!

▲日式叉燒烏冬($57):叉燒係偏向瘦,唔係好多肥肉,而湯底客人亦可以自選。

▲椒鹽燒珍寶牛舌4件($48): 燒到外脆內軟,而且牛舌好厚身好大塊,咬落去好重牛味,客人落少少檸檬汁落去仲正!

豬屋日本料理

地址:大圍田心街20號雲疊花園4號
營業時間:星期一至五11:45 – 14:45/18:00 – 23:00 星期六至日11:30 – 15:00/18:00 – 23:00
電話:26061248

文字來源:香港人.遊香港/圖片來源:@jola_hk、@iloveeating17@leekasa、@fooddiary018