呢間餐廳係主打地道泰國宮廷菜式，係曼谷係好出名既高級泰國菜，仲係「曼谷50家最頂級餐廳之一」！而香港呢間亦係住全球第12間分店，呢間鋪頭係海港城入面，地理位置唔錯，易搵又有180度夜景。鋪頭既裝修加上無敵維港海景，係一間比較浪漫既泰國菜，真係好岩客人作慶祝既餐廳，唔洗再只吃西餐！餐廳環境主要以深藍色作主調，餐具亦採用Blue Elephant的自家品牌，可見係裝修方面都落左唔少心思。

▲燒大蝦炒金邊粉($152) ：金邊粉炒到夠乾身，食落去又唔算太辣，同埋大頭蝦好大隻，好大舊蝦肉！

▲泰國皇家宮殿蒸餃子($38 2隻) ：呢道菜既賣相真係好精美，餃子皮一紫一白，餃子包住雞肉同蝦肉碎，食落去有冬蔭功味。

▲黑白糯米飯配泰國芒果($88) ：糯米飯微暖，食落去煙煙韌韌，黑白糯米飯分別淋上芒果醬和椰汁。如果有需要寫祝福字句，仲可以預先同定店員講。

▲小食拼盤($168) ：拼盤分別係泰式沙嗲雞串，泰式沙嗲豬串各兩串、炸蝦餅兩件、脆皮青咖喱黃金包兩個、慢煮花生軟糖配新鮮菠蘿兩串。拼盤可以一次過試晒啲小食，最好味既係蝦餅，食落去啲鮮蝦肉粒好爽口。

▲菠蘿雞肉炒飯($138) ：係用新鮮菠蘿切粒再炒飯，再加入腰果和肉鬆。

▲軟殼蟹芒果炒飯($108) ：炒飯炒到好乾身，食落口有蝦膏味同泰式酸辣醬味，個炒飯酸酸辣辣好開胃，而個配菜軟殻蟹亦都啖啖肉。

▲走廊上有塊17米長、2.5米高的全人手繪製壁畫係描繪泰國古代的民生百態。

藍象泰國餐廳

地址:尖沙咀廣東道3-27號海港城港威商場3樓3303號舖
營業時間:星期一至日11:00-22:30
電話:23282328

文字來源：香港人.遊香港／圖片來源：＠0michael、＠leocklee、＠linguisticfoodlover、＠xiaoyuntt、＠kathyying0303