夏天都可以打邊爐！怕熱懶得行去餐廳仲可以憑單扣減搭的士錢！有留意開我地page既你地都知我地成日介紹香港唔同地區既特色火鍋店，而今次要介紹比大家既係位於尖沙咀天文臺圍既「有蒸氣」海鮮火鍋店 。入到門口已經見牆身貼滿左老闆同好多明星既合照，直情係貼滿曬成幅牆！上網睇番先知原來依間海鮮火鍋店來頭不少，佢地分別係2016同2017連續兩年榮獲新假期飲食雜誌「必吃食店大獎」，唔怪得吸引左咁多明星慕名而來！依間餐廳除左主打特色石鍋蒸氣料理之外，佢地既港式小菜料理同地道烹飪海鮮同樣大受歡迎！必叫既係佢地既招牌小菜「有蒸氣脆皮咕嚕肉」，小編係從來未食過有咕嚕肉可以咁脆，係到非常推介大家去試下，真係出面未必食到嫁。而適逢餐廳開業3周年，老闆同大廚會為各位客人帶來衝擊大優惠，包括：$1北韓象拔蚌刺身、 $268冰鎮瀨尿蝦、同午市有現金7折既優惠，以答謝一班食客係開業3年以來既支持。想知「有蒸氣」既優惠詳情就要繼續睇埋落去啦！
▲有蒸氣脆皮咕嚕肉($138)：小編食過最好食既咕嚕肉！咕嚕肉整得好入味，咬落脆卜卜！
▲餐廳仲襯住今次優惠推出左自家研發既新湯底，以冬瓜再加入金華火腿, 冬菇, 新鮮雞腎做底, 然後上面就keep住蒸海鮮。
▲蒸完全部海鮮之後就可以飲番啖湯先, 之後再用番冬瓜湯底黎打邊爐，而夏天飲冬瓜湯除左補充水分，仲可以消暑！
▲鐘意食蟹既你地千其唔可以錯過佢地今次為左配合冬瓜湯底推出既全新套餐($398/1人)：首先會送一客黑松露蒸蛋，套餐包括花蟹、大花甲、海中蝦、大連鮑魚、日本元貝同美國蠔等六款海鮮。
▲大連鮑魚(單售每隻$48)：餐廳既海鮮食材都係用110°c既水蒸氣蒸熟，所以鮑魚唔會話蒸到好乾身，再加上蟲草花調味夠曬juicy！
▲套餐仲包埋大大隻既海中蝦，蒸完咬落啖啖肉！
▲佢地既美國蠔好似拳頭咁大隻，一啖成舊食曬好過癮！
▲北韓象拔蚌刺身($1)：圖中係兩客既份量，襯住今次優惠竟然可以用$1就試到來自北韓既象拔蚌刺身，蘸埋wasabi真係好正！（象拔蚌刺身優惠只限晚市，2-4人限order 1份、5-8人限2份、而9人或以上就只限3份）
▲黑豚肉($168)：蒸完火鍋仲有唔同既肉類比大家繼續打邊爐，好豐盛既一餐！
▲雜錦四寶丸($168)：有齊曬小編最鍾意既手打墨魚丸、蝦丸同鯪魚肉丸，岩曬唔同人既口味！
有蒸氣 海鮮石鍋專門店
地址：九龍尖沙咀天文臺圍5-9號寶軒酒店1樓
*憑單可扣減搭的士錢，e.g. 2-5人入座並在餐廳消費可扣減$50、6-10人可扣減$100、而11人或以上最多可扣減$150。
電話：2898 2731
營業時間：午餐12:00 PM – 2:00 PM (星期一至日)、晚餐5:00 PM – 10:00 PM (星期一至日)
文字來源：香港人.遊香港／圖片來源：香港人.遊香港