fbpx
香港人遊香港

大坑日本料理:【夏天必食壽喜燒風夏松露牛丼!大坑日式割烹串燒小店!】- KONA

夏天必食壽喜燒風夏松露牛丼!大坑日式割烹串燒小店!

天后大坑從來係小店集中地,蓮花宮西街角落位於新開左間主打日本割烹既料理。裝修用原木、石材等自然素材,融入現代簡約線條,得出現代禪風及低調樸實風格,係呢度享用日式新派料理創作,真係別有一番風味!小編推薦大家一定要試鮮甜晶瑩既海膽龍蝦湯啫喱,用精華龍蝦湯整成寒天啫喱,配上細膩甘甜既海膽,入口即溶化係舌頭之上。而另一重點推介就係味道濃郁壽喜燒風夏松露牛丼,外型吸引無比,配蛋味甚濃日本直送雞蛋,撈埋一齊食既濕潤又豐富,而廚師特意加入淳厚迷人既夏松露,令成個味道提升!


▲冷制日本蕃茄 ($58/份)天時暑時食呢個就岩岩好!使用上皮薄多汁既桃太郎蕃茄,看似非常簡單,其實以鏗魚湯、雞湯、日本魚乾湯浸泡一晚,食出清爽新鮮蕃茄質感


▲海膽配龍蝦湯啫喱($168/份)日本料理中海膽係極受歡迎既食材之一,廚師將龍蝦湯整成寒天半凝固啫喱,再配上幼滑鮮味既海膽、飛魚子


▲鵝肝芝士最中餅 ($108/2塊)乍看以為係日本果子店既手信,食落都好似一款零食!以鬆脆最中餅包裹着以低溫烤焗鵝肝及忌廉芝士,不過重點係中間柚子柿乾薄片,食落真係有畫龍點睛之感!


▲瞬間薰製日本雞頸肉 ($48/條)由煙熏槍注入櫻花木香滲入雞頸肉之中


▲澳洲和牛腹膜肉 配 芝士蛋黃醬 ($88/條)和牛腹膜肉由澳洲進口,食落略帶油脂,肉汁豐富!


▲KONA 手羽先($78/2隻)無骨雞翼食落啖啖肉,燒成黃金色既雞皮充滿肉汁


▲黑豚腩卷 配 山椒粉($48/2隻)黑豚腩卷口感較濃味,配啤酒一流!


▲松葉蟹肉忌廉餅 ($88/條)由松葉蟹肉、啡蘑菇、紅蔥、特選3.6牛乳同松露油整成蟹肉忌廉餅,餡料細軟綿密。


▲壽喜燒風夏松露牛丼($158/碗)以日本傳統壽喜燒湯方法煮牛肩肉超入味!


▲壽喜燒風夏松露牛丼($158/碗)配上蛋味濃既日本直送雞蛋,撈埋食濕潤而豐富,舖上片片夏松露有一絲清香之感。

KONA

電話:2881 6339
餐廳地址:大坑蓮花宮西街16號地面
營業時間:中午12時至下午2時30分及下午6時至下午10時30分(5月27日或之後)

文字/圖片來源:香港人.遊香港

Tagged with:     , , , ,

Follow us

合作查詢

歡迎與我們聯絡, 查詢合作